Exodo 16:3 - Maung A Balita Biblia

³ Inkuandad sikara, “Magmaung ni la laingen komun no say Katawan et pinapatey to kamid man ed Egipto. Nayarian mid may ondongo a mangan na karni tan arum ni ran kakanen ed anggaay nayarian mi. Balet inawit yo kami a pateyen ed eras diad kalawakan.”

Maung a Balita Biblia

³ Inkuandad sikara, Magmaung ni la laingen komun no say Katawan et pinapatey to kamid man ed Egipto. Nayarian mid may ondongo a mangan na karni tan arum ni ran kakanen ed anggaay nayarian mi. Balet inawit yo kami a pateyen ed eras diad kalawakan.

Exodo 16:3 Iomraidhean Croise

2 Samuel 18:33

Agaylay ermen na ari. Linmad kuarton walad tagey na puirta. Legan ton oonla, manakakis tan kuanto, “O anak ko! Anak kon Absalom, anak ko! Siak la komuy inatey, aliwan sika, O anak ko! Absalom, anak ko!”

Say Libro nen Job 3:1

Kayari to ya, nansalitay Job; insamba toy agew na inkianak to.

Say Libro nen Job 3:10

Nisamba komun iman a labi lapud inyabuloy to ak a nianak, tan imparontal to ak ed gunigon.

Say Libro nen Job 3:20

Akin et mambilay ni ray totoon maniirap? Akin et naitdan niy liwawa iray totoon maneermen?

Saray Salmo 107:5

Naeras-erasan tan naap-apgaan ira, kanyan nakalan iray ilalo.

Saray Salmo 78:19

Nansalita ray sumpad Dios tan inkuanda, “Nayarian kasi na Dios so mangiter na kakanen diad kalawakan?

Saray Salmo 78:25

Kanyan angan iray kakanen da ray anghil. Say Dios initdan to ra na daakan.

Exodo 14:11

Inkuandad kinen Moises, “Anggapo ta ray lobuk dimad Egipto? Inawit mo kami dian ompatey ed kalawakan? Nengneng moy ginawam ed impangipaway mod sikamid Egipto!

Exodo 17:3

Balet mapalaloy inkapgaan na saray totoo, kanyan intuloy day nanriklamo ed kinen Moises. Inkuanda, “Akin et impaway mo kamid Egipto? Pian napatey mo kamid eras, sikami, saray anak mi, tan saray ayayep mi?”

Exodo 2:23

Kalabas na abayag a panaon inatey so ari ed Egipto, balet manngesnges ni ray Israelita ed kairapan na pakakaaripen da, kanyan kinmerew iray tulong ed Dios.

Exodo 5:21

Inkuandad kindi Moises tan Aaron, “Sankanengneng na Katawan yan ginawa yo. Andi-saew a dusaen to kayo, lapud sikayoy makasengeg na pamobosul ed sikami na ari tan saray opisyal to. Initdan yo ray baraan dan mamatey ed sikami.”

Jeremias 2:6

Inekal da ak lad kanunotan da, anggaman a siak so angyagel ed sikarad Egipto tan angiwanwan ed sikarad kalawakan: sakey a dalin na kalawakan tan kaabutan, sakey a dalin ya amaga tan walay kaatapan, sakey a dalin ya anggapoy ondadalan tan anggapoy anggan manayam.

Jeremias 44:17

Sumpalen mi ray amin ya imbaga min gawaen. Mangibagat kamid diosa mi, say Riyna na Tawen tan mangisaklang kamid sikato na bagat ya alak, a singa samay ginagawa mid saray baley na Juda tan diad saray dalan ed Jerusalem, ta onya met so ginagawa na lalaki mi, saray arari tan saray pangulo mi. Daakan ed saman a panaon iray kakanen mi, maaligwas kami, tan anggapo ray gunigon mi.

Saray Tagleey 4:9

Maung niy kipapasen da ray inaatey ed bakal nen saray inaatey ed eras; nankalkalnan naoyus so linawa ra, lapud anggapoy napambilay da.

Saray Bilang 11:15

No onya niy gawaen mod siak, panangasim ta patey mo ak la, pian ag ak la mantepel na inkaruksam ed siak.”

Saray Bilang 11:20

no ag ingen diad loob na intiron sakey bulan. Mangan kayo na sawasawaan ya anggad natama kayo. Onyay nagawa lapud impolisay yo so Katawan a kaibiba yo tan nanriklamo kayod sikato a lablabay yo lan ag kayo komun tinmaynan a manlapud Egipto.’”

Saray Bilang 14:2

Nanriklamo ra sumpad kindi Moises tan Aaron a kuanda, “Magmaung ni komun no inaatey itayo lad mad Egipto odino diad kalawakan!

Saray Bilang 14:3

Akin et say Katawan iyakar to itayod saman a dalin? Napatey itayo ed bakal, tan nadakep iray kaasawaan tan saray anak tayo. Ag magmaung nin ompawil itayod Egipto?”

Saray Bilang 16:13

Ag ka ta ni nakda ed impangipaway mod sikami manlapud mataban dalin na Egipto pian napatey mo kami diad kalawakan? Oleyan mo kami ni?

Saray Bilang 16:41

Diad ontombuk ya agew amin ya Israelita nanriklamo ra sumpad kindi Moises tan Aaron tan kuanda, “Pinatey yo ray arum a totoo na Katawan.”

Saray Bilang 21:5

tan nansalita ra sumpad Dios tan diad kinen Moises. Inkuandan nanriklamo, “Akin et impaway mo kamid Egipto anta ompatey kami lamlamang diad kalawakan? Anggapo diay naakan odino nainom tan atama kami la ed sayan andi-kakanaan a kakanen!”

Saray Gawgawa 26:29

Inmebat si Pablo, “Diad antikey o andokey a panaon, iyabuloy komuy Dios ya aliwan sika labat, no ag ingen amin a makakadngel ed siak natan, so magmaliw met komun a singa siak—likud labat ed sayan inkabalur koy golung-golung!”

1 CORINTO 4:8

Wala la ray amin a nakaukolan yo! Mayaman kayo la! Arari kayo la, anggaman a sikami et andi! Maung no petepeteg kayo lan arari, pian kaiba yo kami met a makapanoley.

2 CORINTO 11:1

Anosan yo ak komun no bilang ta singa ak makulang-kulang.

Deuteronomio 28:67

Ompokal lawas ed kapagaan so kapusoan yo lapud saray amin a nanengneng yo. Kapag kabwasan pampilalekan yoy isabi na labi, tan kapag labi pampilalekan yoy isabi na kabwasan.

Deuteronomio 8:3

Pinaerasan to kayo, insan to kayo initdan na mana a kanen yo, say tagano ya ag yo nin balut atawayan, sikayo tan saray lalaki yo. Onmay ginawa to pian nibangat to kayo ya aliwan tinapay labat so pambilay na too, no ag ingen mambilay met ed amin a salita na Katawan.

Josue 7:7

Insan inkuanen Josue, “Katawan a Dios, akin et pinabaliw mo kami ni ed Jordan? Pian nipalima mo kami ed saray Amorreo? Pian napatey mo kami? Akin et ag kami labat la nanayam diman ed basil na Jordan?