Exodo 15:6 - Maung A Balita Biblia

⁶ “Say kawanan a limam, O Katawan, et walaan na makapakebyew a pakayari; bingbingkasen to ray kalaban.

Maung a Balita Biblia

⁶ Say kawanan a limam, O Katawan, et walaan na makapak ebyew a pakayari; bingbingkasen to ray kalaban.

Exodo 15:6 Iomraidhean Croise

Saray Salmo 17:7

Ipaamtam pay ag mangoman a panangarom tan ilaban mo ak; ag ak nasigensigen na saray kalaban ko no wala ak ed diking mo.

Saray Salmo 2:9

Diad panamegley na bastun a balatyang betagen mo ra; mekmeken mo ran singa banga.’”

Saray Salmo 24:8

Siopa yan matalonggaring ya ari? Say Katawan a mabiskeg tan makapanyari, say Katawan a mananalo ed bakal!

Saray Salmo 44:3

Saray totoom ag da sinamsam so dalin diad panamegley na saray ispada ra; ag da dinakep diad panamegley na dilin pakayari ra. Sinamsam da diad panamegley na dilin pakayarim tan biskeg mo, diad panamegley na kiwawalam ed pegley da, ya angipanengneng ya inarom ira.

Saray Salmo 44:4

Sikay arik tan Dios ko; panataloen mo ray totoom,

Saray Salmo 60:5

Ilaban mo kami pa diad panamegley na pakayarim; ebatan mo pay pikakasi mi, pian niagel iray totoon inarom.

Saray Salmo 74:11

Akin et ag mo labay a tulongan kami? Akin et mantantanyareg ka labat?

Saray Salmo 77:10

Insan inkuanko, “Say paneermenan kon tuloy et saya: aliwa lan makapanyari so Dios.”

Saray Salmo 89:14

Say panarian mo niletneg ed inkatonung tan kaptekan; nanengneng ed amin a gagawaen mo so aro tan inkatoor mo.

Saray Salmo 98:1

Kantaan yoy balon kanta so Katawan; nanggagaway makapakelkelaw iran bengatla! Lapud dilin pakayari tan masanton biskeg to, sikatoy analo.

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Exodo 15:12

Inyonat moy kawanan a limam, et inakmun na dalin iray kalaban mi.

Exodo 15:16

Takot tan kebyew so niwalad sikara. Nanengneng day biskeg mo, O Katawan, et mampotiy bosaleg dan mantanyareg, anggad makadalan iray totoom ya inagwat mod inkaaripen.

Exodo 18:8

Imbaga nen Moises ed kinen Jetro iray amin a ginagawa na Katawan ed ari tan saray Egipsio diad impangyagel tod saray Israelita. Imbaga to met no panoy impanirap na saray totoo ed dalan tan no panoy impangilaban na Katawan ed sikara.

Exodo 3:20

Balet ipakanak so pakayarik ed Egipto tan dusaen ko na saray makapataktakot a pakelaw a gawaen kod man. Kasumpal na sarayan nagawa, abuloyan to kayo lan onla.

Exodo 6:1

Insan say Katawan kuantod kinen Moises, “Nanengneng mo natan no antoy gawaen kod ari. Pasooten ko ya abuloyan ton ontaynan iray totook. Diad tuay tua, piliten ko a dagdagen to ran taynan day bansa to.”

Isaias 30:14

Nabetag kayon singa banga, tan diad kamisimisi yo anggapoy langa a nayarin panginan na ngalab o pangaur na danum ed bobun.”

Isaias 51:9

Liing ka pa, Katawan, ta tulongan mo kami! Ikanam pa so pakayarim ta ilaban mo kami; ikanam pa a singa ginawam nen saman. Sika so nantetegteg ed Rahab a dragon ed dayat.

Isaias 52:10

Ikana na Katawan so masanton pakayari to; ilaban to ray totoo to, tan nanengneng ya na sankamundoan.

Isaias 63:12

Kawalaan na Katawan a diad pakayari to et nanggawa na saray ankabaleg a pakelaw diad panamegley nen Moises, binelsay toy danum ed dayat tan inwanwan ton binmaliw iray totoo to ed aralem a danum, pian makagamur na ag manganggan kagalangan to?” Diad panangiwanwan na Katawan, singa ra kabayod katakelan ya ag balut natumba.

Jeremias 13:14

Insan ko ra panbabasigan a singa saray garapon, matakken may malangwer. Ag nabaat na abagey, panangaro, odino panangasi so pamatey kod sikara.”

Mateo 6:13

Tan ag mo kami pa iyaakar ed pakatuksoan, no ag ingen iyagel mo kamid samay Maoges.’

1 Samuel 2:10

Napatey iray onlalaban ed Katawan; manlapud tawen pakarulan to ra. Sintinsiaan na Katawan so intiron mundo; pabiskegen toy ari to, panaloen toy pinili ton ari.”