Exodo 15:25 - Maung A Balita Biblia

²⁵ Masimoon a nampikasi ed Katawan si Moises, et say Katawan impanengneng tod sikato so sakey a poter na kiew. Imbantak nen Moises ed danum imay poter na kiew, et nagmaliw a nayarin inomen la may danum. Diman so angitdan na Katawan na saray ganggan a nepeg dan tombuken, tan diman so anubokan tod sikara.

Maung a Balita Biblia

²⁵ Masimoon a nampikasi ed Katawan si Moises, et say Katawan impanengneng tod sikato so sakey a poter na kiew. Imbantak nen Moises ed danum imay poter na kiew, et nagmaliw a nayarin inomen la may danum. Diman so angitdan na Katawan na saray ganggan a nepeg dan tombuken, tan diman so anubokan tod sikara.

Exodo 15:25 Iomraidhean Croise

2 Saray Arari 2:21

insan linmad kawalaay sobul na siudad, imbontuk tod danum imay asin, tan kuanto, “Onyay ibabagay Katawan: ‘Gawaen kon masamit yan danum, tan ag la makapatey odino makapaekal na lokun da ray bibii.’”

2 Saray Arari 4:41

Akialay Eliseo na daiset ya arina, impelag tod samay banga tan kuanto, “Mangibales kayo lamet, ta mangan ira may totoo.” Ag la natan makasamal.

2 Saray Arari 6:6

“Naplagan to?” tepet nen Eliseo. Intoro na samay too so pasen, insan amoter si Eliseo na bislak, imbontuk tod danum imay bislak tan pinaletaw to may oloy wasay.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Saray Salmo 66:10

Sinusubok mo kami, O Dios: no panoy kalilinisay pilak ya imparalan ed apoy, ontan met so impanusubok mod sikami.

Saray Salmo 81:7

Tinmawag kayod siak nen nagugunigon kayo, et inlaban ta kayo. Manlapud panaamutan kod bagyo inebatan ta kayo. Diad saray sobul na Meriba, sinubok ta kayo.

Saray Salmo 91:15

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

Saray Salmo 99:6

Di Moises tan Aaron iray papari to, tan si Samuel so sakey ed saray nampikasid sikato; tinmawag irad Katawan, et inebatan to ra.

Exodo 14:10

Nen anengneng na saray Israelita so ari tan saray sondalo ton onoosil ed sikara, ataktakot iran maung tan kinmerew ira na tulong ed Katawan.

Exodo 16:4

Say Katawan kuantod kinen Moises, “Natan paoranen ko a manlapud tawen na kakanen a para sikayon amin. Saray totoo et nepeg ya ompaway iran inagew-agew a manala na kanen dan onduga ed sanagew. Diad onya nasubok ko no onuren da kasi iray bilin ko.

Exodo 17:4

Masimoon a nampikasid Katawan si Moises tan kuanto, “Anto kasiy nagawaan kod sarayan totoo? Ngalngali da ak la tupaken.”

Exodo 20:20

Inmebat si Moises, “Ag kayo natatakot; sinmabi so Dios, ta suboken to kayo tan labay to kayon mangonur lawas ed sikato, pian ag kayo mankasalanan.”

Probirbio 17:3

Say balituk tan say pilak susuboken na apoy, tan say puso na too susuboken na Katawan.

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Jeremias 9:7

Lapud saya say Katawan a Makapanyarin-amin kuanto, “Pasilingen kon singa mital iray totoo, tan suboken ko ra. Nanggagaway kaogsan iray totook— anto niy nagawaan kod sikara?

Ezekiel 47:7

et nen wadman ak anengneng kod man ya amayamay iray kakiewan ed balang pandel na ilog.

Ezekiel 47:8

Inkuantod siak, “Sayan danum onaagos ed bandad bokig ya anggad Patar na Jordan tan diad Inatey a Dayat. No kaagos tod Inatey a Dayat, salatan tod man so danum a maasin na matabang a danum.

1 CORINTO 1:18

Ta diad saray nababalang, anggapoy kabaliksan na balitan nipaakar ed impatey nen Cristo ed krus; balet diad sikatayon nilalaban, sikatoy pakayari na Dios.

Deuteronomio 13:3

ag yo dedengelen. Say Katawan a Dios yo et ikana to a panubok ed sikayo, pian naamtaan to no kasi inaro yo ed intiron puso yo tan intiron kamarerwa yo.

Deuteronomio 8:16

Diad kalawakan initdan to kayo na mana a kinan yo, say kakanen ya ag balut atawayan na saray lalaki yo. Initdan to kayo na saray kairapan a panubok tod sikayo, pian diad kaonuran nabindisionan to kayo na saray maabig a bengatla.

Deuteronomio 8:2

Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.

Saray Huis 2:22

Ikanak ira yan bansa ed panubok kod saray Israelita no matoor irad siak kasi a singa inkatoor na saray atateng da.”

Saray Huis 3:1

Kanyan say Katawan impansiansia ton nanayam ed dalin na Canaan iray pigaran bansa, pian nasubok to ray Israelita ya ag akibakal ed Canaan.

Saray Huis 3:4

Sikaray inkana na Dios ed impanubok tod Israel, pian naamtaan to no ononur kasi odino onsumlang iray Israelita ed saray ganggan na Katawan ya inter tod saray atateng da diad panamegley nen Moises.