Exodo 15:24 - Maung A Balita Biblia

²⁴ Nanriklamod kinen Moises iray totoo tan tinepet da, “Antoy inomen tayo?”

Maung a Balita Biblia

²⁴ Nanriklamod kinen Moises iray totoo tan tinepet da, Antoy inomen tayo?

Exodo 15:24 Iomraidhean Croise

Saray Salmo 106:13

Balet alingwanan dan tampol iray ginagawa to, tan ag da la inalagar so simbawa to.

Exodo 14:11

Inkuandad kinen Moises, “Anggapo ta ray lobuk dimad Egipto? Inawit mo kami dian ompatey ed kalawakan? Nengneng moy ginawam ed impangipaway mod sikamid Egipto!

Exodo 16:2

Diman ed kalawakan, nanriklamod kinen Moises tan Aaron iray amin ya Israelita.

Exodo 5:21

Inkuandad kindi Moises tan Aaron, “Sankanengneng na Katawan yan ginawa yo. Andi-saew a dusaen to kayo, lapud sikayoy makasengeg na pamobosul ed sikami na ari tan saray opisyal to. Initdan yo ray baraan dan mamatey ed sikami.”

Saray Bilang 14:22

anggapod sarayan totoo so makaloob ed saman a dalin. Anengneng da so kagalangan ko tan saray milagron ginagawak dimad Egipto tan diad kalawakan, balet sinusubok da ak ya amimpigapiga tan ag da ak inonur.

Saray Bilang 16:11

No manriklamo kayo a sumpad kinen Aaron, say Katawan a talaga so susumlangen yo, sika tan saray kagampim.”

Saray Bilang 16:41

Diad ontombuk ya agew amin ya Israelita nanriklamo ra sumpad kindi Moises tan Aaron tan kuanda, “Pinatey yo ray arum a totoo na Katawan.”

Saray Bilang 17:10

Say Katawan kuantod kinen Moises, “Ipawil mod arap na Kaban na Sipanan itay baston nen Aaron. Sikatoy nisinup a sakey a pasakbay ed saray mananumpan Israelita ya ompatey ira no ag ira ontondan manriklamo.”

Saray Bilang 21:5

tan nansalita ra sumpad Dios tan diad kinen Moises. Inkuandan nanriklamo, “Akin et impaway mo kamid Egipto anta ompatey kami lamlamang diad kalawakan? Anggapo diay naakan odino nainom tan atama kami la ed sayan andi-kakanaan a kakanen!”

Mateo 6:25

“Sikato yay makasengeg na pangibabagaan kod sikayo ya ag kayo mapagpagad pambilay yo, no antoy kanen tan inomen yo, o antoy ikawes yo. Ag ta mamabli niy bilay nen say kakanen? Ag ta mamabli niy laman nen say kawes?

1 CORINTO 10:10

Ag itayo nepeg a manriklamo, a singa ginagaway arum ed sikara, kanyan pinapatey iray Anghil na Patey.

FILIPOS 2:14

Gawa yo ray amin a kimey ya anggapoy ngorongoro tan sangsangan,

Judas 1:16

Mariklamo ra yan totoo tan managtetel irad saray arum; oonuren day maoges a pilalek na laman, mapaatagey irad panagsalita, tan papalingoen da ray arum, pian naala ray labay da.