Exodo 15:20 - Maung A Balita Biblia

²⁰ Say biin agi nen Aaron, a si propita Miriam, inala toy tamborin to, tinombuk na amin a bibii, nantotogtog iray tamborin tan nansasayaw-sayaw ira.

Maung a Balita Biblia

²⁰ Say biin agi nen Aaron, a si propita Miriam, inala toy tamborin to, tinombuk na amin a bibii, nantotogtog iray tamborin tan nansasayaw-sayaw ira.

Exodo 15:20 Iomraidhean Croise

Genesis 31:27

Akin et pinalikdo mo ak diad inyalis mon ag ko amta? No imbagam labat komun ed siak, pinasiput ta kan walay liket, kansion, tan togtog na saray arpa tan pandirita.

2 Samuel 1:20

Ag yo ya ibabalita ed Gat odino diad saray dalan na Askelon. Ag yo panliliketen iray bibiin taga Filistia; ag yo panggagayagaen iray bibiin anak na saray pagano.

2 Samuel 6:14

Si David, ya akabariber labat na abel a linen ed awak to, et sinmayaw ed anggaay nayarian to a pangigalang tod Katawan.

2 Samuel 6:16

Legan a niyaakar ed siudad so Kaban na Sipanan, tinmandag si Micol a biin anak nen Saul et anengneng toy Ari David a mansasayaw-sayaw tan manlukso-lukso ed arap na Katawan. Lapud saya binalaw tod puso to si David.

2 Samuel 6:5

Si David tan amin ya Israelita et nansasayaw tan nankakanta ra ed anggaay nayarian da a pangigalang ed Katawan. Nantotogtog iray arpa, saltirio, tambul, tamborin, tan piangpiang.

2 Saray Arari 22:14

Di Helcias, Ahicam, Acbor, Safan tan Asaya et linma ran angipanon ed sakey a biin manngaran na Hulda, sakey a propita a manaayam ed balo nin kabyangan na Jerusalem. (Say asawa to yan bii a si Sallum ya anak nen Tocat tan apo nen Hasra et sikatoy makaoley ed saray kawes ya isosolung na saray papari no manlingkur irad Timplo.) Imbaga rad kinen Hulda iray agawa,

1 Saray Awaran 15:16

Ingganggan nen David iray pangulo na saray Levita a manoro ra na saray nandoroman Levita a mankanta tan mantogtog na maliket iran togtog ed saray arpa tan piangpiang.

1 Saray Awaran 6:3

Duaray lalakin anak nen Amram a di Aaron tan Moises, tan sakey so anak ton bii a si Miriam. Apatiray lalakin anak nen Aaron: di Nadab, Abiu, Eleazar, tan Itamar.

Nehemias 6:14

Nampikasi ak, “O Dios, nudnunot mo pa yan ginawad siak di Tobias tan Sanbalat, tan dusam ira. Nudnunot mo pa met imay biin propita a si Noadias tan saramay arum a propitan nantataktakot ed siak.”

Saray Salmo 149:3

Idayew yoy ngaran to diad panamegley na sayaw; togtog yo ray tambul tan saray arpa diad pangidayew yod sikato.

Saray Salmo 150:4

Idayew yo diad pamaknul yod saray tambul tan diad pansayaw yo. Idayew yo diad panogtog yod saray arpa tan plauta.

Saray Salmo 30:11

Sinalatan mo na magayagan sayaw so ermen ko; nilakseb mod siak so ermen ko, insan inkawes mod siak so gayaga.

Saray Salmo 68:11

Angipaakseb na ganggan so Katawan, kanyan amayamay so bibiin angibawag na balita:

Saray Salmo 68:25

Walad arap iray kumakanta, walad beneg iray musiko, tan walad nanleetan da iray mamarikit a mantotogtog na saray pandirita.

Saray Salmo 68:26

“Idayew yoy Dios diad pantitipon da ray totoo to; idayew yoy Katawan, amin yon kabyangay boleg nen Jacob!”

Saray Salmo 81:2

Igapo yoy mankanta tan paknul yo ray pandirita; manogtog kayoy marakep ed saray arpa tan saray lira.

Exodo 2:4

Say atsi to may ogaw nambantay ed bandad arawi, pian naamtaan to no antoy nagawad samay agi to.

Ecclesiastes 3:4

Igegetar toy panaon na panermen tan say panaon na panliket, say panaon na pandageyem tan say panaon na pansayaw,

Jeremias 31:4

Pasimbaloen ko so kipapasen yo a totook. Alaen yo lamet iray tamborin yo tan maliket kayon mansayaw-sayaw.

Mikias 6:4

Impaway ta kayo ed Egipto; inekal ta kayod impakaaripen; imbakik ira di Moises, Aaron, tan Miriam ya angiwanwan ed sikayo.

Saray Bilang 12:1

Si Moises angasawa na sakey a biin Cusita. Lapud saya binalaw di Miriam tan Aaron.

Saray Bilang 12:2

Inkuanda, “Nansalita sirin so Katawan diad panamegley nen Moises labat? Ag ta met nansalita diad panamegley tan dua?” Say Katawan nadngel to yan imbaga ra. (

Saray Bilang 20:1

Diad ononan bulan akasabid kalawakan na Zin iray amin ya Israelita tan nankampo ra ed Cades. Inatey diman si Miriam tan imponpon da.

Saray Bilang 26:59

ya asawa toy anak nen Levi a si Jacobed a nianak ed Egipto. Walay anak tod kinen Amram a duaran lalaki a di Aaron tan Moises tan sakey a bii a si Miriam.

Lucas 2:36

Wala met so sakey a biin propita ya akolakolaw la. Manngaray Anna tan anak nen Fanuel a kabyangay tribu nen Aser. Pitoy taon labat ya akiamung ed asawa to,

Saray Gawgawa 21:9

Walay apatiran anak ton mamarikit a walay langkap dan mampropisiya.

1 CORINTO 11:5

Say biin ag akapandung a mampikasi o mampulong na salitay Dios, pabaingan toy asawa to; singa biin kiskis so olo to.

1 CORINTO 14:34

nepeg a mandeen iray bibii diad pantitipon na saray kabyangay iglisia. Ta ag nayarin mansalita ra diad ontan iran pantitipon; nepeg a sikaray paoleyan onung na ibabagay Ganggan.

Saray Huis 11:34

Nen pinmawil si Jefte ed abung tod Mizpa, wadmay biin anak to ya ompapaway ed abung, ta onabet ed sikato. Onsasayaw tan manotogtog na tamborin. Saksakey yan anak to.

Saray Huis 21:21

tan mambantay kayo. No ompaway ya onsayaw iray bibiid Silo legan na pista, paway kayo met ed inamutan yon kaubasan. Balang sakey ed sikayo et mangalad pasootan na asawaen to ed saramay bibii tan awit yo rad man ed dalin na Benjamin.

Saray Huis 4:4

Diad saman a panaon si propita Debora a biin asawa nen Lapidot so pinagkahuis a pangulo da ray Israelita.

1 Samuel 10:5

Insan ka onla ed Pokdul na Dios diad Gabaa a kawalaay sakey a kampo da ray Filisteo. Kaloob mod baley, naabet moy sakey ya olup na saray propita ya onleleksab iran nanlapu ed altar a walad toktok na pokdul. Manotogtog ira na saray arpa, tambul, plauta, tan saray saltirio. Mansayaw-sayaw tan maneeyag-eyag ira.

1 Samuel 18:6

Nen ompawil si David, kayari ton pinatey si Goliat, tan onsesempet met la ray sondalo, inmabet ed kinen Saul iray bibiin nanlapud amin a baley na Israel. Nankakanta ray maliket a kansion, nansasayaw ira, tan nantotogtog iray tamborin tan saltirio.