Exodo 15:18 - Maung A Balita Biblia

¹⁸ Sika, Katawan, so manari ed ando lan ando.”

Maung a Balita Biblia

¹⁸ Sika, Katawan, so manari ed ando lan ando.

Exodo 15:18 Iomraidhean Croise

Genesis 21:33

Angitanem si Abraham na sakey a kiew a tamariski ed Beer-seba, tan inggalang toy Katawan, say andi-anggaan a Dios.

Saray Salmo 10:16

Anggad angga ya ari so Katawan, tan naandipat ed dalin to iray ag manisiad sikato.

Saray Salmo 146:10

Say Katawan et ari ya anggad angga. Say Dios mo, O Sion, manoley ed amiy panaon. Idayew yoy Katawan!

Saray Salmo 29:10

Ooleyan na Katawan iray danudanum; manari ya anggad angga.

Saray Salmo 9:8

Matonung so panooley tod sankamundoan; maptek so panisintinsia tod saray katoowan.

Isaias 57:15

“Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Daniel 2:44

Diad panaon da ra man a manoley say Dios na tawen mangiletneg na panarian ya ag balut mangangga. Ag balut nadakep yan panarian, no ag ingen sigput ton deralen ya amin ira man ya impirio, insan mansiansia ya anggad angga.

Daniel 4:3

“Agaylay kabaleg na pakelaw ya ipapanengneng na Dios ed sikatayo! Makapakelaw a tuloy iray milagron gagawaen to! Say Dios et ari ya anggad angga; ag mangangga so panoley to.

Daniel 7:14

Naitdan imay too na pakaoley, kagalangan, tan pakayari na ari, pian makapanlingkur ed sikato iray totoo ed amin a bansa ya anggan antoy kolor na baog da tan salita ra. Mansiansia so pakaoley to, tan ag mangangga so panarian to.

Daniel 7:27

Niiter ed saray totoo na Sankatageyan a Dios so pakayari tan inkatalonggaring na amin a nanarian ed tapew na dalin. Ag mangangga so nanarian da; manlingkur tan ononur ed sikara iray amin a manoley diad tapew na dalin.”

Mateo 6:13

Tan ag mo kami pa iyaakar ed pakatuksoan, no ag ingen iyagel mo kamid samay Maoges.’

Deuteronomio 33:5

Say Katawan nagmaliw ya ari na saray totoo ton Israelita nen nantitipon iray tribu ra tan saray pangulo ra.