Exodo 14:7 - Maung A Balita Biblia

⁷ Pinmikal a kaolup to ray amin a karwahi to, pati saray anem a lasus a sankaabigan iran karwahi to ya impangulo na saray opisyal to.

Maung a Balita Biblia

⁷ Pinmikal a kaolup to ray amin a karwahi to, pati saray anem a lasus a sankaabigan iran karwahi to ya impangulo na saray opisyal to.

Exodo 14:7 Iomraidhean Croise

Genesis 50:9

Akila met ed sikato ray lalakin akalogan ed karwahi, tan saray akakabayo; dakerakel iran nanoolup.

Saray Salmo 20:7

Saray arum a totoo manmamatalek irad karwahi ra, tan saray arum diad saray kabayo ra, balet manmamatalek itayod pakayari na Katawan a Dios tayo!

Saray Salmo 68:17

Say Katawan a kaiba to ray nilibon makapanyarin karwahi to et oonlad masanton pasen manlapud Sinai.

Exodo 14:23

Inosilan ira na saray Egipsio tan tinombuk da ra ya anggad pegley na dayat, pati saray amin a kabayo ra, saray karwahi ra, tan saray kutsiro ra.

Exodo 14:6

Impaiparaan na ari iray karwahi to tan impanparaan to ray sondalo to.

Exodo 14:8

Pinaawet na Katawan so puso na ari, kanyan inosilan to ray Israelita a sipapalabo ran ontataynan.

Exodo 15:4

“Imbabantak tod dalem na dayat iray sondalon Egipsio tan saray karwahi ra; nalner ed Dayat ya Ambalanga iray sankaabigan ya opisyal da.

Isaias 37:24

Angibaki ka na saray totoom ya ipasirayew dad siak a dinakep mo ray sankaatageyan a palandey na Libano, lapud saray amayamay a karwahim. Impasirayew mo a nambabatang kad man na saray sankaatageyan a kiew a sidro tan saray sankaabigan a kiew na saleng, tan nakar mo ray sankaote-otelan na saray takel.

Saray Huis 4:15

Nen dinmogpa si Barac tan saray sondalo to, ginewgew na Katawan si Sisara, pati saramay karwahi to tan amin a totoo to. Inmepas ed karwahi to si Sisara tan batik.

Saray Huis 4:3

Si Jabin walay siam a lasus a balatyang a karwahi ton para bakal, tan duamploy taon a pinapairap ton inoleyan iray totood Israel. Insan kinmerew na tulong ed Katawan iray Israelita.