Exodo 14:4 - Maung A Balita Biblia

⁴ Paaweten koy puso to, kanyan osilan to kayo, et pakagalangan ko so panalok ed ari tan saray sondalo to. Diad satan naamtaan na saray Egipsio a siak so Katawan.” Ginawa na saray Israelita so nibagad sikara.

Maung a Balita Biblia

⁴ Paaweten koy puso to, kanyan osilan to kayo, et pakagalangan ko so panalok ed ari tan saray sondalo to. Diad satan naamtaan na saray Egipsio a siak so Katawan. Ginawa na saray Israelita so nibagad sikara.

Exodo 14:4 Iomraidhean Croise

Nehemias 9:10

Nanggagawa ka na saray makapakelaw a milagro sumpad ari na Egipto, sumpad saray opisyal to tan saray totood nanarian to lapud amtam no panoy impamapairap dad saray totoom. Binmantug kad saman tan bantug ka ni ya anggad natan.

Exodo 10:2

Ontan met ginawak ira yan milagro, pian nayarian yon salitaen ed saray anak yo tan saray apo yo so impamaabebak ed saray Egipsio nen nanggagawa ak na saray milagro. Naamtaan yo a siak so Katawan.”

Exodo 10:27

Pinaawet na Katawan so puso na ari, kanyan ag to abuloyan ya onla la ray Israelita.

Exodo 12:28

Insan linma la ra tan sinumpal da may ingganggan na Katawan ed kindi Moises tan Aaron.

Exodo 14:23

Inosilan ira na saray Egipsio tan tinombuk da ra ya anggad pegley na dayat, pati saray amin a kabayo ra, saray karwahi ra, tan saray kutsiro ra.

Exodo 14:25

Inkokotep toy dalig na saray karwahi ra kanyan mapalaloy inkairapan dan nankurang. Saray Egipsio kuanda, “Say Katawan ibabakalan to ray Israelita sumpad sikatayo. Ontaynan itayo la!”

Exodo 14:3

Nabaloan na ari a saray Israelita et manliliber-liber ira labat ed maawang ya alog tan akolung ira na kalawakan.

Exodo 14:5

Nen nibagad ari na Egipto a tinmaynan iray Israelita, angoman na kanunotan a pati saray opisyal to tan kuanda, “Antoy ginawa tayo? Pinaolyan tayon tinmaynan iray Israelita, et naandi ra la laingen ya ariripen tayo.”

Exodo 14:8

Pinaawet na Katawan so puso na ari, kanyan inosilan to ray Israelita a sipapalabo ran ontataynan.

Exodo 18:11

Natan amtak la a matalonggaring so Katawan nen saray amin a diriyos, lapud ginawa to ya nen saray Egipsio et nilemlemew da ray Israelita.”

Exodo 6:7

Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio.

Exodo 7:17

Natan, Kagalang ya Ari, say Katawan kuanto a naamtaan moy peteg ya inkasikato diad panamegley na gawaen to. Nengneng mo, ibakbak kod tapew na ilog yan baston, et magmaliw a dala so danum.

Exodo 7:3

Balet paaweten koy puso na ari, tan ag to kayo dengelen, anggan antoy karakel so gawaen kon makapataktakot a bengatla ed Egipto.

Exodo 7:5

Naamtaan ed satan na saray Egipsio a siak so Katawan no iyatagey koy taklay ko sumpad sikara tan ipaway kod bansa ra iray Israelita.”

Exodo 9:16

Balet inabuloyan ta ka nin mambilay, ta labay kon ipanengneng ed sika so pakapanyarik, et diad ontan nikayat ed intiron mundo so dayew ko.

Ezekiel 20:9

Balet ag ko ginawa, bangta makapangyepas iman na kagalangan na ngaran ko, ta diad imatun na saray totoon pipiayaman da nen saman, imbawag kod Israel ya ipaway ko ra ed Egipto.

Ezekiel 28:22

Ibagam ed saray totood man so ibabagak, siak a Katawan a Dios: Siak so kalaban mo, Sidon; idayew ak na saray totoo lapud gagawaen kod sika. Naamtaan da a siak so Katawan, no ipanengneng koy ontan lan inkasantok diad panusak ed saray totoon manaayam ed sika.

Ezekiel 32:15

No pagmaliwen kon andi-kakanaan tan begtebegtew so Egipto, tan pateyen ko ray amin a manaayam diman, naamtaan da a siak so Katawan.

Ezekiel 38:16

Dogpaan mo ray totook ya Israel a singa ka bagyon ondadalan ed dalin. No onsabiy tan a panaon, ibaki ta kan onloob ed dalin ko, pian nipanengneng kod saray bansa no siopa ak, pian nipanengneng koy kasantosan ko diad panamegley mo.

Ezekiel 38:23

Diad onya ipanengneng kod amin a bansa a siak so matalonggaring tan masanto. Diad satan naamtaan da a siak so Katawan.”

Ezekiel 39:13

Ontulong so balang too ed dalin a mangipompon ed sikara, tan napagalangan irad saya no onsabiy agew na panalok. Siak a Katawan a Dios so nansalita.

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

Saray Taga Roma 11:8

Onung na ibabagay Masanton Sulat, “Initday Dios ira yan totoo na anawet a puso tan olo; saray mata ya ag makanengneng tan saray layag ya ag makadngel, anggad sayan panaon.”

Saray Taga Roma 9:17

Ta onung ed Masanton Sulat say Dios kuantod ari na Egipto, “Ginawa ta kan ari, pian diad panamegley mo, nipanengneng koy pakayarik tan nibawag so ngaran ko ed intiron mundo.”

Saray Taga Roma 9:18

Kanyan kasian na Dios so labay ton kasian, tan paaweten toy puso na labay ton paaweten.

Josue 11:20

Say Katawan so amaawet na kapusoan da pian ag ira onsener a mibakal ed saray Israelita, kanyan sigput iran naderal tan napatey ya andi-panangasi. Sikato ya so ingganggan na Katawan ed kinen Moises.

Saray Huis 4:7

Papawayen koy Sisara a pangulo na saray sondalo nen Jabin, ta labanan to kayo ed Ilog na Kison. Awiten to ray karwahi to tan saray sondalo to, balet panaloen ta kayod sikato.’”