Exodo 14:31 - Maung A Balita Biblia

³¹ Nen anengneng na saray Israelita so baleg a pakayari ya impakana na Katawan diad impanalo tod saray Egipsio, tinakotan da so Katawan. Awalaan ira na pananisia ed Katawan tan diad aripen to a si Moises.

Maung a Balita Biblia

³¹ Nen anengneng na saray Israelita so baleg a pakayari ya impakana na Katawan diad impanalo tod saray Egipsio, tinakotan da so Katawan. Awalaan ira na pananisia ed Katawan tan diad aripen to a si Moises.

Exodo 14:31 Iomraidhean Croise

2 Saray Awaran 20:20

Diad kabkabwasan ed ontombuk ya agew saray totoo linma rad kalawakan ya asingger ed Tecoa. Legan dan oonla, nanalagey si Josafat tan kuantod sikara, “Totood Juda tan Jerusalem! Manmatalek kayod Katawan a Dios yo, et ag kayo napasoner. Manisia kayod saray ibabaga da ray propita to, et manalo kayo.”

Nehemias 9:9

“Anengneng mo no panoy impanirap da ray lalaki mi ed Egipto; dinengel moy inkerew da na tulong nen wala rad Dayat ya Ambalanga.

Saray Salmo 119:120

Lapud sika natatakot ak; lapud saray sintinsiam natatakot ak.

Exodo 19:9

Say Katawan kuantod kinen Moises, “Onla ak ed sika diad panamegley na makapal a lorem, pian narengel na saray totoo so pitongtong kod sika tan manlapud natan sisiaen da ka.” Imbaga nen Moises ed Katawan so ebat na saray katoowan,

Exodo 4:31

Anisia ra, et nen nadngel dan dinalaw iray Katawan tan anengneng toy ontan lan kakairapan da, tinmuek ira tan angigalang irad Katawan.

Lucas 8:13

Saramay ilik a dinmapod dalin a batoy dalem to aliling day totoon ondedengel ed salitay Dios tan aawaten dan sililiket, balet ag onlalamut. Sisiaen da magano, balet no natukso ra, bigla met la ran ombetel.

Juan 11:45

Anengneng na saramay Judion dinmalaw ed kinen Maria so ginawa nen Jesus, tan dakel ed sikara so anisiad sikato.

Juan 2:11

Sayan ginawa nen Jesus dimad Cana ed Galilea et onona-ona ed saray milagron ginagawa to. Diad panamegley na sayan agawa impatnag nen Jesus so kagalangan to, kanyan anisiad sikato ray disipulo to.

Saray Gawgawa 8:13

Anisia met a pati si Simon tan kasumpal ton nampabinyag, akilkila ed kinen Felipe. Mankelaw nen naimatunan to ray pakelaw tan milagron nagagawa.

Saray Hebreo 3:5

Si Moises matoor a managlingkur ed abung na Dios, balet pinaneknekan to labat iray bengatlan ibagay Dios ed arapen.

Josue 24:7

tinmawag irad siak tan kinmerew iray tulong, et angyan ak na bilonget ed nanleetan da tan saray Egipsion inmosil. Impatabonan kod dayat iray Egipsio et nalner ira. Amta yo no antoy ginawak ed Egipto. “‘Abayag kayon nanayam ed kalawakan.

Josue 4:14

Lapud saman a ginawa na Katawan ed saman ya agew nitandurod arap na totood Israel si Josue. Pinagalangan da legan ton nambilay, a singa impamagalang dad kinen Moises.

Josue 4:24

Lapud saya naamtaan na balang sakey a too ed tapew na dalin so ontan lan kabaleg na pakayari na Katawan, tan igalang yod anggad angga so Katawan a Dios yo.”

1 Samuel 12:16

Kanyan sirin, manalagey kayod kawalaan yo, et nanengneng yoy bengatlan makapakelaw a gawaen na Katawan.

1 Samuel 12:18

Kanyan nampikasiy Samuel, tan diad saman ya agew pinakarul tan pinaoran na Katawan. Insan tinmakot ed Katawan tan diad kinen Samuel, iray totoo tan