Exodo 14:3 - Maung A Balita Biblia

³ Nabaloan na ari a saray Israelita et manliliber-liber ira labat ed maawang ya alog tan akolung ira na kalawakan.

Maung a Balita Biblia

³ Nabaloan na ari a saray Israelita et manliliber-liber ira labat ed maawang ya alog tan akolung ira na kalawakan.

Exodo 14:3 Iomraidhean Croise

Saray Salmo 139:2

Antam ya amin iray gagawaen ko; anggan arawiy kawalaan mo, natatalusan mo ray kanunotan ko.

Saray Salmo 139:4

Angan kasakbayay pansalitak amtam la no antoy ibagak.

Saray Salmo 3:2

Tongtongtongen da ak tan kuanda, “Ag tulongan na Dios.”

Saray Salmo 71:11

Kuanda, “Inkaindan la na Dios! Osilan tayon erelen, ta anggapoy mangyagel ed sikato.”

Exodo 14:2

“Ibagam ed saray Israelita ya ompoliktar ira tan mankampo ra ed arap na Pihahirot, a nanleetan na Migdol tan Dayat ya Ambalanga, diad abay na Baalzefon.

Exodo 14:4

Paaweten koy puso to, kanyan osilan to kayo, et pakagalangan ko so panalok ed ari tan saray sondalo to. Diad satan naamtaan na saray Egipsio a siak so Katawan.” Ginawa na saray Israelita so nibagad sikara.

Ezekiel 38:17

Sika so sinalitak la nen abayag lan panaon, nen imbawag ko diad panamegley na saray aripen kon propita ed Israel, ya onsabi ray agew a mangibaki ak na toon ondogpad Israel.” Say Katawan a Dios so nansalita.

Saray Gawgawa 4:28

Ginagawa ran amiy nakaukolan a nagawa, onung na inggetar mo la nen saman lapud pakayarim tan linawam.

Deuteronomio 31:21

et amayamay a makapataktakot a deral so ondalan ed sikara. Balet nakanta yan kanta, tan magmaliw a sakey a tasi a sumpad sikara. Anggan natan, kasakbayan ko ran iyakar ed dalin ya insipan kod sikara, amtak la so nununoten da.”

Saray Huis 16:2

Akabatan na saray totood Gaza a wadmay Samson, kanyan niliktub da may pasen tan sanlabi ran inalagar ed puirta na siudad. Mareereen iran sanlabi tan ninunot dad sikaran dili, “Manalagar itayo dia ya anggad kabwasan, insan tayo pateyen.”

1 Samuel 23:23

Anap yo ray petepeteg a pasen a panaamutan to, insan ki dia ompawil a tampol a mangibagad siak. Et no wadman nid saman a pasen, laen kon anapen ed anggan intiron dalin na Juda.”

1 Samuel 23:7

Nibagad kinen Saul a linmay David ed Keila, tan kuanto, “Say Dios impasilong to lad pakayarik si David. Inkolung toy sikaton dili diad inyakar tod baley ya aliber na padir tan abalewetan iray puirta to.”