Exodo 14:29 - Maung A Balita Biblia

²⁹ Balet nanakar iray Israelita ed amagan dalin diad imbaliw dad dayat; dinmalan irad nanleetan na duaran padir a danum.

Maung a Balita Biblia

²⁹ Balet nanakar iray Israelita ed amagan dalin diad imbaliw dad dayat; dinmalan irad nanleetan na duaran padir a danum.

Exodo 14:29 Iomraidhean Croise

2 Saray Arari 2:8

Inekal nen Elias so kolibemben to, nilokut to, insan impaspas tod danum; apaldua so danum, insan dinmalan iran dua nen Eliseo ed amagan dalin nen binmasil ira.

Nehemias 9:11

Benelsay mo so dayat para saray totoom insan mo ra impanakar ed pinamagam a dayat. Impalner mod aralem a danum iray angosil ed sikara; singa ra baton linmereg ed madaluyon a dayat.

Saray Salmo 106:9

Ginanggan toy Dayat ya Ambalanga, et minmaga; inwanwan ton binmaliw ed ekat iray totoo to.

Saray Salmo 136:13

Binelsay toy Dayat ya Ambalanga; andi-anggaan so panangaro to.

Saray Salmo 78:13

Binelsay toy dayat tan pinadalan to ra; pinaalagey ton singa padir so danum.

Exodo 14:22

tan nanakar ed amagan dalin iray Israelita diad imbaliw dad dayat; dinmalan irad nampegleyan na duaran padir a danum.

Exodo 15:19

Nanakar ed amagan dalin iray Israelita nen ombabaliw irad dayat. Balet nen ombabaliw iray kabayo na saray Egipsio, saray karwahi ra tan saray kutsiro ra, pinapawil na Katawan so danum, tan tinatabunan to ra.

Exodo 15:8

Sinibukan mo so dayat, et nilusbo so danum; inmalagey a singa padir; inmawet so kaaraldaleman a dayat.

Isaias 11:15

Say Katawan paekatan toy Dayat na Suez tan mangyakar na ampetapetang a mabiskeg a dagem a mamaekat na Ilog na Eufrates; pitoran ankekelag a kolus labat so nakeraan, kanyan nayarin manakar ya ombaliw so siopaman.

Isaias 43:2

No ondalan kad aralem a danum, wala ak ed sika; ag ka natabunan na saray gunigon mo. No ondalan kad apoy, ag ka napoolan; ag ka napasakitan na saray ambelat a subok ya onsabid sika.

Isaias 51:10

Sika met so amaekat ed dayat tan nanggawa kay dalan a binmeltang ed dayat, pian makadalan ira may iyaagel mo.

Isaias 51:13

Alingwanan yo lay Katawan a nanggawad sikayo, ya angipanat ed katawenan tan angiletneg na saray pundasion na mundo? Akin et antakot kayo lawas ed pasnuk da ray mamapairap ed sikayo, saray sipaparaan a maneral ed sikayo? Ag kayo la nadiwit na ontan lan pasnuk da.

1 CORINTO 10:1

Labay kon nunoten yo, agagi, no antoy agawa ed saray lalaki tayo a tinmombuk ed kinen Moises. Tinarungan iran amin na lorem tan binaliw dan amin so Dayat ya Ambalanga.

Josue 3:16

tinmondan onagos so danum na ilog tan agilon ed bandad tagey so danum, diad Adan, say siudad a kaabay na Zaretan. Say agos a mampalasur ed Inatey a Dayat et sigput a tinmonda kanyan saramay totoo et akabaliw irad abay na Jerico.