Exodo 14:25 - Maung A Balita Biblia

²⁵ Inkokotep toy dalig na saray karwahi ra kanyan mapalaloy inkairapan dan nankurang. Saray Egipsio kuanda, “Say Katawan ibabakalan to ray Israelita sumpad sikatayo. Ontaynan itayo la!”

Maung a Balita Biblia

²⁵ Inkokotep toy dalig na saray karwahi ra kanyan mapalaloy inkairapan dan nankurang. Saray Egipsio kuanda, Say Katawan ibabakalan to ray Israelita sumpad sikatayo. Ontaynan itayo la!

Exodo 14:25 Iomraidhean Croise

2 Saray Awaran 20:29

Ataktakot iray amin a bansa ya akadngel no panoy impanalo na Katawan ed saray kalaban na Israel.

Nehemias 4:14

Anengneng kon mapaga ray totoo, kanyan inkuankod sikara, saray pangulo ra, tan saray opisyal da, “Ag kayo natatakot ed saray kalaban tayo. Nudnunot yo a matalonggaring tan makapataktakot so Katawan. Milaban kayo a pangyagel yod saray kadalaan yo, saray anak yo, saray kaasawaan yo, tan saray kaabungan yo.”

Nehemias 6:16

Nen nadngelan ya na saray kalaban mi ed kaliber-liber iran bansa, abirbir dan abaingan irad saray totoo, lapud amta na balang sakey ya asumpal so kimey lapud tulong na Dios.

Nehemias 9:11

Benelsay mo so dayat para saray totoom insan mo ra impanakar ed pinamagam a dayat. Impalner mod aralem a danum iray angosil ed sikara; singa ra baton linmereg ed madaluyon a dayat.

Say Libro nen Job 11:20

Balet saray maoges a totoo onnengneng irad kaliber-liber da, et anggapoy napaliisan da. Patey labat so iilaloan da.

Say Libro nen Job 20:24

Diad ibatik ton ompaliis ed ispadan balatyang, nakena na panan gansa.

Say Libro nen Job 27:22

onsiplug ed sikato ya andi-panangasi, legan a gagawaen toy anggaay nayarian ton onarawi.

Saray Salmo 35:1

Sumlang mo pa ray onsusumlang ed siak, O Katawan, tan labanan mo ray onlalaban ed siak!

Saray Salmo 46:9

Patotondaen to ray bakal ed intiron mundo; popoteren to ray pana, dederalen to ray pika, tan popoolan to ray samper.

Saray Salmo 68:12

“Ombabatik la ray arari tan saray sondalo ra!” Saray bibiin atilak ed kaabungan inaapag da ray asamsam:

Saray Salmo 76:6

Nen nampasnukan mo ra, O Dios nen Jacob, atumtumban inaatey iray kabayo tan saray akakabayo.

Exodo 14:14

Say Katawan so mibakal a para sikayo; mandeen labat so nepeg yon gawaen.”

Exodo 14:18

Diad panalok ed saray Egipsio naamtaan da a siak so Katawan!”

Exodo 14:4

Paaweten koy puso to, kanyan osilan to kayo, et pakagalangan ko so panalok ed ari tan saray sondalo to. Diad satan naamtaan na saray Egipsio a siak so Katawan.” Ginawa na saray Israelita so nibagad sikara.

Exodo 15:3

Sakey a bumabakal so Katawan; Yahweh so ngaran to.

Isaias 31:4

Inkuan na Katawan ed siak, “Anggan panon so paningal tan paneyag na saray pastol, ag da napatakot so lion pian arawian toy pinatey ton ayep; ontan met, anggapoy makabanod siak ed pangyagel kod Palandey na Sion, siak a Katawan a Makapanyarin-amin.

Jeremias 51:21

nambibingkas ed saray kabayo tan saray akakabayo, nandederal ed saray karwahi tan saray kutsiro,

Amos 1:14

Lapud saya mangyakar ak na apoy ed saray padir na siudad na Raba tan poolan ko ray tirinsira to. Wala ray eyagan ed satan no agew na bakal, tan manalimbusabos so panlalaban.

Amos 5:19

Saman ya agew et aliling toy toon ibabatikan toy lion balet ta nabet toy uso! Odino singa toon kasempet tod abung et inkapa tod padir so lima to, balet kinetket na oleg!

Amos 9:1

Anengneng koy Katawan a manalalagey ed abay na altar. Ingganggan to: “Maso yo ray toktok a lusek na Timplo, pian nayegyeg so pundasion. Igeba-geba yod kaoluan da ray totoo. Pateyen kod bakal iray nakdaan a totoo. Anggapod sikaray makaarawi; anggapoy anggan sakey a makabatik ed sikara.

Deuteronomio 1:30

Iwanwan kayo na Katawan a Dios yo, tan milaban para sikayo, a singa anengneng yon ginawa to ed Egipto

Deuteronomio 3:22

Ag yo ra tatakotan, ta milaban para sikayo so Katawan a Dios yo.’

Deuteronomio 32:31

Amta na saray kalaban da a makapoy iray dilin diriyos da, ag da naaligan so makapanyarin Dios na Israel.

Josue 10:14

Anggapon balut nen saman ya anggad natan, so singa sayan agew a tinoluk na Katawan so sakey a too. Tinulongan na Katawan ya akibakal so Israel!

Saray Huis 4:15

Nen dinmogpa si Barac tan saray sondalo to, ginewgew na Katawan si Sisara, pati saramay karwahi to tan amin a totoo to. Inmepas ed karwahi to si Sisara tan batik.