Exodo 14:14 - Maung A Balita Biblia

¹⁴ Say Katawan so mibakal a para sikayo; mandeen labat so nepeg yon gawaen.”

Maung a Balita Biblia

¹⁴ Say Katawan so mibakal a para sikayo; mandeen labat so nepeg yon gawaen.

Exodo 14:14 Iomraidhean Croise

2 Saray Awaran 20:15

Inkuanen Jahaziel, “Kagalang kon Ari tan amin yon totood Juda tan Jerusalem, imbaga na Katawan ya ag yo nepeg a pakakapoyey linawa yo, odino ontatakot a mibakal ed sarayan amayamay a sondalo. Andid lima yo yan bakal no ag ingen walad lima na Dios.

2 Saray Awaran 20:17

Aliwan sikayoy nepeg a milaban ed sayan bakal. Ilira yo labat so sikayon dili tan manalagar kayo; nanengneng yoy pangiter na Katawan ed sikayo na pananalo. Totood Juda tan Jerusalem, ag kayo ontatalaw odino ontatakot. Paway kayon mibakal, tan olupen kayo na Katawan!”

2 Saray Awaran 20:29

Ataktakot iray amin a bansa ya akadngel no panoy impanalo na Katawan ed saray kalaban na Israel.

Nehemias 4:14

Anengneng kon mapaga ray totoo, kanyan inkuankod sikara, saray pangulo ra, tan saray opisyal da, “Ag kayo natatakot ed saray kalaban tayo. Nudnunot yo a matalonggaring tan makapataktakot so Katawan. Milaban kayo a pangyagel yod saray kadalaan yo, saray anak yo, saray kaasawaan yo, tan saray kaabungan yo.”

Nehemias 4:20

No narengel yoy tanul na trumpita, mantitipon kayod kawalaan ko. Say Dios tayo so kaiba tayon milaban.”

Nehemias 9:11

Benelsay mo so dayat para saray totoom insan mo ra impanakar ed pinamagam a dayat. Impalner mod aralem a danum iray angosil ed sikara; singa ra baton linmereg ed madaluyon a dayat.

Saray Salmo 35:1

Sumlang mo pa ray onsusumlang ed siak, O Katawan, tan labanan mo ray onlalaban ed siak!

Saray Salmo 50:3

Onsasabiy Dios tayo, balet aliwan mareen; walay manliub ya apoy ed arap to tan mabiskeg a bagyo ed kaliber-liber to.

Saray Salmo 83:1

O Dios, ag ka labat pa mareereen; ag ka pa mareereen, o anggapoy eseesel!

Exodo 14:15

Say Katawan kuantod kinen Moises, “Akin et onkekerew kay tulong ed siak? Ibagam ed saray totoo ya ituloy day kurang da.

Exodo 14:25

Inkokotep toy dalig na saray karwahi ra kanyan mapalaloy inkairapan dan nankurang. Saray Egipsio kuanda, “Say Katawan ibabakalan to ray Israelita sumpad sikatayo. Ontaynan itayo la!”

Exodo 15:3

Sakey a bumabakal so Katawan; Yahweh so ngaran to.

Isaias 30:15

Say Katawan a Dios a Masanto na Israel kuanto ed saray totoo, “Pawil kayo tan mandeen kayon manmatalek ed siak. Diad ontan ombiskeg kayo tan niarawi kayod kaatapan.” Balet ag yo labay a gawaen.

Saray Tagleey 3:26

Maung so mananos a manalagar ed panangilaban na Katawan.

Deuteronomio 1:30

Iwanwan kayo na Katawan a Dios yo, tan milaban para sikayo, a singa anengneng yon ginawa to ed Egipto

Deuteronomio 20:4

Say Katawan a Dios et olupen to kayo, tan panaloen to kayo.’

Deuteronomio 3:22

Ag yo ra tatakotan, ta milaban para sikayo so Katawan a Dios yo.’

Josue 10:10

Say Katawan ginewgew to ray Amorreo nen anengneng da ray sondalo na Israel. Saray Israelita pinapatey dad Gabaon iray Amorreo tan inosilan da rad dalan ed alusadsar na palandey ed Bet-horon; dinogpaan da ra ya anggad Azeka tan Maceda diad abalaten.

Josue 10:14

Anggapon balut nen saman ya anggad natan, so singa sayan agew a tinoluk na Katawan so sakey a too. Tinulongan na Katawan ya akibakal so Israel!

Josue 10:42

Tinalo nen Josue ira yan amin ya arari tan saray nanarian da diad aminpinsan ya inliber ton nandodogpa, lapud kaiba na Israel ya akibakal so Katawan a Dios to.

Josue 23:10

Anggan siopad sikayo nayarian ton pabatiken so sanlibon lalaki, ta mibabakal a para sikayo so Katawan a Dios yo, onung na insipan tod sikayo.

Josue 23:3

Anengneng yo ray amin a ginagawa na Katawan a Dios yo ed amin da ra yan bansa lapud sikayo. Say Katawan a Dios so mibabakal para sikayo.

Saray Huis 5:20

Manlapud tawen akilaban iray bitewen; diad ibebeltang dad tawen, nilabanan day Sisara.

1 Samuel 4:7

ataktakot ira tan kuanda, “Sinmabid kampo ra so sakey a dios! Pakaskasi itayo la! Anggapo niy singa onyan agawad sikatayo nen saman!