Exodo 14:13 - Maung A Balita Biblia

¹³ Inmebat si Moises, “Ag kayo natatakot! Pakpel yoy linawa yo, et nanengneng yo no antoy gawaen na Katawan a pangilaban tod sikayo ed sayan agew; ag yo la napidwan nanengneng ira yan Egipsio.

Maung a Balita Biblia

¹³ Inmebat si Moises, Ag kayo natatakot! Pakpel yoy linawa yo, et nanengneng yo no antoy gawaen na Katawan a pangilaban tod sikayo ed sayan agew; ag yo la napidwan nanengneng ira yan Egipsio.

Exodo 14:13 Iomraidhean Croise

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Genesis 26:24

Diad saman a labi na intaynan to pinmayawar ed sikato so Katawan tan inkuanto, “Siak so Dios nen amam ya Abraham. Ag ka natatakot; kaiba ta ka. Bindisionan ta ka tan itdan ta kay amayamay a kabyangay boleg, lapud samay sipan kod kinen Abraham ya aripen ko.”

Genesis 46:3

“Siak so Dios, say Dios nen amam,” inkuanto. “Ag ka natatakot ya onlad Egipto; gawaen kod man a baleg a bansa iray kabyangay boleg mo.

Genesis 49:18

“Manalagar ak na panangilaban mo, Katawan.

2 Saray Arari 6:16

“Ag ka natatakot,” ebat nen Eliseo. “Dakel niy walad dapag tayo nen say walad sikara.”

1 Saray Awaran 11:14

kanyan sikato tan saray totoo to et ag ira inmalis ed pegley na alog tan nilabanan da ray Filisteo. Say Katawan initdan to na baleg ya impanalo.

2 Saray Awaran 20:15

Inkuanen Jahaziel, “Kagalang kon Ari tan amin yon totood Juda tan Jerusalem, imbaga na Katawan ya ag yo nepeg a pakakapoyey linawa yo, odino ontatakot a mibakal ed sarayan amayamay a sondalo. Andid lima yo yan bakal no ag ingen walad lima na Dios.

2 Saray Awaran 20:17

Aliwan sikayoy nepeg a milaban ed sayan bakal. Ilira yo labat so sikayon dili tan manalagar kayo; nanengneng yoy pangiter na Katawan ed sikayo na pananalo. Totood Juda tan Jerusalem, ag kayo ontatalaw odino ontatakot. Paway kayon mibakal, tan olupen kayo na Katawan!”

Nehemias 9:9

“Anengneng mo no panoy impanirap da ray lalaki mi ed Egipto; dinengel moy inkerew da na tulong nen wala rad Dayat ya Ambalanga.

Saray Salmo 3:8

Say kilalaban manlalapud Katawan— bindisionan to komun iray totoo to.

Saray Salmo 68:21

Andi-saew a betag-betagen na Dios so kaoloan da ray kalaban to, saray ag ontotondan mankasalanan.

Saray Salmo 78:53

Arawi rad kaatapan nen inwanwan to ra, kanyan ag ira tinmakot; balet tinabunay dayat iray kalaban da.

Saray Salmo 91:8

Onnengneng ka et naimatunan mo no panoy kadusa da ray totoon maoges.

Exodo 14:30

Diad saman ya agew inyagel na Katawan iray Israelita ed saray Egipsio, tan anengneng na saray Israelita a kibalatar ya inaatey ed gilig na dayat iray Egipsio.

Exodo 20:20

Inmebat si Moises, “Ag kayo natatakot; sinmabi so Dios, ta suboken to kayo tan labay to kayon mangonur lawas ed sikato, pian ag kayo mankasalanan.”

Isaias 26:3

Katawan, sika so mangiiter na nagnap a kareenan ed saray totoon mangyaapasakey na kanunotan dad sika, tan manmamatalek irad sika.

Isaias 30:15

Say Katawan a Dios a Masanto na Israel kuanto ed saray totoo, “Pawil kayo tan mandeen kayon manmatalek ed siak. Diad ontan ombiskeg kayo tan niarawi kayod kaatapan.” Balet ag yo labay a gawaen.

Isaias 35:4

Ibaga yod balang sakey a toon nakalay biskeg na linawa, “Mampabiskeg kayo tan ag kayo natatakot! Onsasabiy Dios a mangyagel ed sikayo; onsasabin manusad saray kalaban yo.”

Isaias 43:11

“Bukbukor ko so Katawan, siak labat so makapangilaban ed sikayo.

Isaias 7:4

Ibagam ed sikato a sipaparaan lawas, mansiansian mareen, tan ag ontatakot odino nagugunigon. Say pasnuk nen Ari Rezin tan saray Siriano tan say pasnuk nen Ari Peca et singa labat asewek na duaran napopoolan a bislak.

Jeremias 3:23

Anggapoy naalagar min tulong a manlapud saray diriyos a gagalangen mid saray toktok na kapokdulan. Manlapu labat ed Katawan a Dios mi so tulong a para Israel.

Saray Tagleey 3:26

Maung so mananos a manalagar ed panangilaban na Katawan.

Oseas 1:7

Balet aroen ko ray totood Juda. Siak a Katawan a Dios da, iyagel ko ra, aliwan diad panamegley na ispada odino pana, odino kabayo tan kumakabayo.”

Oseas 13:4

Say Katawan kuanto, “Siak so Katawan a Dios ya angipaway ed sikayo ed Egipto. Anggapo lay arum a Dios yo no ag siak labat. Bukbukor ko so manangilaban.

Oseas 13:9

“Deralen ta kayo, sikayo ran totood Israel! Diad satan siopay makatulong ed sikayo?

Habacuc 3:13

Pinmaway kan mangilaban ed saray totoom, tan mangiliktar ed pinilim ya ari. Kinabil moy pangulo da ray totoon maoges tan sigput mon dineral iray totoo to.

Habacuc 3:8

Saray ilog so amapasnuk ed sika, Katawan? Say dayat so amapetang na olom? Linmogan kad tapew na kaloreman; karwahim so lorem ya ipapalir na bagyo, nen inyakar moy pananalo ed saray totoom.

Saray Bilang 14:9

Ag kayo onsusumlang ed Katawan tan ag kayo ontatakot ed saray totoon manaayam diman. Mainomay tayo ran dakepen. Say Katawan kaolup to itayo tan tinalo to ray diriyos ya angyagel ed sikara; kanyan ag kayo natatakot.”

Mateo 28:5

Akisalita may anghil diad saramay bibii, “Ag kayo natatakot. Kabat kon aanapen yoy Jesus ya impasak ed krus.

Deuteronomio 20:3

‘Lalaki na Israel, dengel kayo! Natad sayan agew onla kayon mibakal. Ag kayo ontatakot ed saray kalaban yo, ag yo papakapoyey linawa yo, tan ag kayo natataranta.

1 Samuel 11:13

Balet inkuanen Saul, “Anggapo natan so pateyen, ta diad sayan agew inyagel na Katawan so Israel.”

1 Samuel 12:16

Kanyan sirin, manalagey kayod kawalaan yo, et nanengneng yoy bengatlan makapakelaw a gawaen na Katawan.