Exodo 13:5 - Maung A Balita Biblia

⁵ Sinambaan na Katawan ed saray lalaki yo ya iter tod sikayo so dalin na saray Cananeo, saray Heteo, saray Amorreo, saray Heveo, tan saray Jebuseo. No niakar to kayo lad saman a mayaman tan mataban dalin, silibraan yo yan pista diad ononan bulan na kapag taon.

Maung a Balita Biblia

⁵ Sinambaan na Katawan ed saray lalaki yo ya iter tod sikayo so dalin na saray Cananeo, saray Heteo, saray Amorreo, saray Heveo, tan saray Jebuseo. No niakar to kayo lad saman a mayaman tan mataban dalin, silibraan yo yan pista diad ononan bulan na kapag taon.

Exodo 13:5 Iomraidhean Croise

Genesis 26:3

Dia ka la manayam; ibaan ta ka tan bindisionan ta ka. Iter ko yan amin a pasen ed sika tan saray kabyangay boleg mo. Tooren koy insipan kod kinen Abraham ya amam.

Genesis 50:24

Inkuantod saray lalakin agagi to, “Ngalngali ak la ompatey, balet andi-saew ya asikasoen kayo na Dios, tan ipaway to kayod sayan dalin tan iyakar to kayod dalin a sinambaan ton iter ed kindi Abraham, Isaac, tan Jacob.”

1 Saray Awaran 1:15

Heveo, Arkeo, Sineo,

Exodo 12:24

Sikayo tan saray anak yo et nepeg yon onuren ed ando lan ando ira yan bilin.

Exodo 13:10

Silibraan yo yan pista diad niganan panaon ed kapag taon.

Exodo 13:11

“Say Katawan iyakar to kayo ed dalin na saray Cananeo, say dalin a sinambaan ton iter ed sikayo tan saray lalaki yo. No niiter to lad sikayo,

Exodo 3:17

Kanyan ginetmak lan ipaway ira ed Egipto a pakapapairapan da, tan iyakar ko ra ed mayaman tan mataba a dalin a panaayaman natan na saray Cananeo, saray Heteo, saray Amorreo, saray Perezeo, saray Heveo, tan saray Jebuseo.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Exodo 32:13

Nunot mo pa ra di aripen mon Abraham, Isaac, tan Jacob. Nunot mo pa a sinambaan mo ya itdan iray amayamay a kabyangay boleg a singa karakel na bibitewen ed tawen, tan iter mod saray kabyangay boleg da so intiron dalin ya insipan mon kayaryanen da ed ando lan ando.”

Exodo 33:1

Say Katawan kuantod kinen Moises, “Taynan yo yan pasen, sika tan saray totoo ya impaway mod Egipto, ta laka yod dalin a sinambaan kon iter ed kinen Abraham, Isaac, tan Jacob tan diad saray kabyangay boleg da.

Exodo 34:11

Onur yo ray ganggan ya iter ko natan ed sikayo. Pagiten ko ray Amorreo, saray Cananeo, saray Heteo, saray Perezeo, saray Heveo, tan saray Jebuseo legan na pankukurang yo.

Exodo 6:4

Akisipanan ak met ed sikara; insipan kon iter ed sikaray dalin na Canaan, say dalin a nanayaman da nen sangkaili rad man.

Exodo 6:8

Iyakar ta kayod dalin a sinambaan ko ya iter ed kindi Abraham, Isaac, tan Jacob; iter kod sikayo a kayaryan yo. Siak so Katawan.’”

Jeremias 11:5

Diad ontan sumpalen koy insipan kod saray lalaki ra, ya iter kod sikara so mayaman tan mataban dalin a kayaryan da la natan.” Inkuanko, “Ontan pa komun, Katawan.”

Jeremias 32:22

Inter mod sikara yan mayaman tan mataban dalin, onung na insipan mod saray lalaki ra.

Ezekiel 20:6

Diad saman ya agew insipan kod sikara ya ipaway ko rad Egipto tan iyakar ko ra ed dalin a pinilik a para sikara, dalin a mayaman, mataba, tan sankaabigan ed amin a dalin.

Levitico 20:24

Balet insipan kon kayaryanen yo man a mataba tan mayaman a dalin, kanyan iter kod sikayo. Siak so Katawan a Dios, tan siak so angibiig ed sikayo ed saray arum a bansa.

Saray Bilang 11:12

Ag ko pinalsa odino inyanak ira! Akin et pagmaliwen mo ak a sakey ya umaasikasod sikara tan ampopoen ko rad taklay kon singa ra melag ya ogogaw ya anggad dalin ya insipan mon iter ed saray lalaki ra?

Saray Bilang 13:27

Inkuandad kinen Moises, “Ninengneng mi may dalin et arumog mi a mayaman tan mataba; nia ray pigaran bungay kakiewan diman.

Saray Bilang 14:16

a pinatey mod kalawakan iray totoom lapud ag mo nayarian iran iyakar ed dalin ya insipan mon iter ed sikara.

Saray Bilang 14:30

Insipan ko a panayamen ta kayod man, balet anggapo la natay makapanayam diman likud ed kindi Caleb tan Josue.

Saray Bilang 32:11

‘Sambaan ko a lapud aliwa ran matoor ed siak, anggapod saray lalakin pinmaway ed Egipto a say taon da et duamplo a mampaatagey so makaloob ed dalin ya insipan kod kindi Abraham, Isaac, tan Jacob.’

Deuteronomio 12:29

“Say Katawan a Dios yo et deralen to ray bansa legan na pankukurang da, tan kayaryanen yo tan panayaman yo.

Deuteronomio 19:1

“Kayarin pateyen na Katawan a Dios yo iray totoon say dalin da et iiter tod sikayo tan no nala yo la ray siudad da tan saray kaabungan da tan panaayaman yo la ra,

Deuteronomio 26:1

“No alooban yo lay dalin ya iiter ed sikayo na Katawan a Dios yo, tan panaayaman yo la,

Deuteronomio 7:1

“Say Katawan a Dios yo et iyakar to kayod dalin a panayaman yo, tan amayamay a totoo so pataynanen to. Legan yon looban so dalin, pataynanen to ray totoo na pitoran bansa a baleg tan makapanyari nen say sikayo: saray Heteo, saray Gergeseo, saray Amorreo, saray Cananeo, saray Perezeo, saray Hebeo, tan saray Jebuseo.

Josue 24:11

Binaliw yoy Jordan tan linma kayod Jerico. Nilabanan kayo na saray lalakid Jerico a singa ginawa na saray Amorreo, Perezeo, Cananeo, Heteo, Gergaseo, Heveo, tan saray Jebuseo. Balet impanalo ta kayod sikaran amin.