Exodo 13:18 - Maung A Balita Biblia

¹⁸ Kanyan impasaliberber to ra la laingen ya ombeltang ed kalawakan tan ombaliw ed Dayat ya Ambalanga. Nen tinaynan day Egipto iray Israelita akaarmas ira na para bakal.

Maung a Balita Biblia

¹⁸ Kanyan impasaliberber to ra la laingen ya ombeltang ed kalawakan tan ombaliw ed Dayat ya Ambalanga. Nen tinaynan day Egipto iray Israelita akaarmas ira na para bakal.

Exodo 13:18 Iomraidhean Croise

Genesis 50:25

Insan kinerew tod saray totoo to a sambaan dan gawaen yan bilin to. Inkuanto, “Isipan yod siak a no say Dios et iyakar to kayod saman a dalin, piawit yo ray pokel ko.”

Saray Salmo 107:7

Inwanwan to rad maptek a dalan a mamaarap ed sakey a siudad a napanayaman da.

Saray Salmo 136:16

Inwanwan to ray totoo to diad imbeltang dad kalawakan; andi-anggaan so panangaro to.

Saray Salmo 68:8

yinmegyeg so dalin, tan angipelag na oran so tawen, lapud isabiy Dios na Sinai, say isabiy Dios na Israel.

Exodo 12:51

Diad saman ya agew, say Katawan impaway tod Egipto iray boleg na saray Israelita.

Exodo 14:2

“Ibagam ed saray Israelita ya ompoliktar ira tan mankampo ra ed arap na Pihahirot, a nanleetan na Migdol tan Dayat ya Ambalanga, diad abay na Baalzefon.

Exodo 14:9

Saray sondalo na Egipto, pati amin a kabayo ra, saray karwahi tan saray kutsiro ra et inmosil irad saray Israelita a nankampo ed abay na Dayat ya Ambalanga ya asingger ed Pihahirot tan Baal-zefon.

Deuteronomio 17:16

Say ari ag nepeg ya amayamay iray kabayo ton para saray sondalo to, tan ag to nepeg ya ibaki ray totoo to a manaliw ed Egipto na saray kabayo, ta imbaga la na Katawan ya ag lan balut ompawil diman iray totoo to.

Deuteronomio 32:10

“Arumog to ran manaakar-akar ed maawang a kabueran, sakey a kalawakan ya andi-kakanaan tan maples so onsisiplug a dagem. Inyagel to ra tan tinalima to ra, a singa panangyagel tod sikaton dili.

Josue 1:14

Natilak ira diay kaasawaan yo, saray anak yo, tan saray ayayep yo, balet saray sondalo et ombaliw iran akaarmas ya onaan da ray kapara ran Israelita pian natulongan da ra

Josue 4:12

Saramay lalakin kabyangan na saray tribu di Ruben, Gad, tan kapalduay Manases, ya akaparaan iran mibakal, et inmona ran binmaliw onung na imbaga nen Moises a gawaen da.

Josue 4:13

Diad arap na Katawan sakey ya apataplon libon lalaki ya akaparaan a mibakal so binmaliw a linmad patar ya asingger ed Jerico.