Exodo 13:17 - Maung A Balita Biblia

¹⁷ Nen inabuloyan na ari ed Egipto ya ontaynan iray Israelita, ag ira inwanwan na Dios ed dalan a mamaarap ed dalin na Filistia, anggaman ya asingger iman a dalan. Ninunot na Dios, “Ag ko labay a mangoman na kanunotan iray totoo tan ompawil irad Egipto no nanengneng dan nepeg da niy mibakal.”

Maung a Balita Biblia

¹⁷ Nen inabuloyan na ari ed Egipto ya ontaynan iray Israelita, ag ira inwanwan na Dios ed dalan a mamaarap ed dalin na Filistia, anggaman ya asingger iman a dalan. Ninunot na Dios, Ag ko labay a mangoman na kanunotan iray totoo tan ompawil irad Egipto no nanengneng dan nepeg da niy mibakal.

Exodo 13:17 Iomraidhean Croise

1 Saray Arari 8:47

dengel mo pa ray pikakasi na saray totoom. No diad saman a dalin et magbabawi ra tan mampikasi rad sika, ipatwa ray inkakasalanan tan inkaoges da, dengel mo pay pikakasi ra, O Katawan.

Nehemias 9:17

Ag ira tinmoluk; alingwanan da ray amin a ginagawam; alingwanan da ray milagron ginagawam. Lapud panagpasirayew da amili ray sakey a pangulo a mamapawil ed sikara ed inkaaripen da ed Egipto. Balet manamirdona ka a Dios; mapangasi tan maaro ka, tan aliwa kan maipapasnuk. Alay kabaleg na ag mangoman a panangarom; ag mo ra inkaindan.

Exodo 14:10

Nen anengneng na saray Israelita so ari tan saray sondalo ton onoosil ed sikara, ataktakot iran maung tan kinmerew ira na tulong ed Katawan.

Saray Gawgawa 15:38

balet ninunot nen Pablo ya ag manepeg ya awiten da, lapud ag akila ya anggad samput na kimey da, no ag ingen sinmian ed sikara diad Pamfilia.

Saray Gawgawa 7:39

“Balet ag inonur na saray lalaki tayo, impolisay da, tan labay da lay ompawil ed Egipto.

Deuteronomio 17:16

Say ari ag nepeg ya amayamay iray kabayo ton para saray sondalo to, tan ag to nepeg ya ibaki ray totoo to a manaliw ed Egipto na saray kabayo, ta imbaga la na Katawan ya ag lan balut ompawil diman iray totoo to.

Deuteronomio 20:8

“Saray opisyal ikuanda met ni ed saray totoo, ‘Wala diad sikayo so apatalaw toy linawa to tan antakot? No wala, nepeg ya onsempet. Ta no ag onsempet, patalawen to met so linawa da ray arum.’

Deuteronomio 28:68

Say Katawan papawilen to kayod Egipto ya akalogan ed saray bapor, anggaman ya imbaga ton ag kayo lad man ompawil. Salien yon ilakoy sikayon dili ya ariripen na saray kalaban yo, balet anggapoy malabay a manaliw ed sikayo.”

Saray Hebreo 11:27

Lapud pananisia, tinaynan nen Moises so Egipto tan ag to tinakotan so pasnuk na ari; mabisbiskeg so linawa to, tan singa anengneng toy ag nanengneng a Dios.

Saray Huis 7:3

Ibawag mod saray totoo, ‘Onsempet lay siopaman ya antakot, tan manayam kami diad Palandey na Galaad.’” Kanyan anempet la so duamplo tan duan libon lalaki, balet tinmilak so samplon libo.