Exodo 13:12 - Maung A Balita Biblia

¹² nepeg yon isaklang ed Katawan so balang pangulowan ya anak yon laki. Kayaryan na Katawan ya amin iray kalakyan a besag ya anak na ayayep yo,

Maung a Balita Biblia

¹² nepeg yon isaklang ed Katawan so balang pangulowan ya anak yon laki. Kayaryan na Katawan ya amin iray kalakyan a besag ya anak na ayayep yo,

Exodo 13:12 Iomraidhean Croise

Nehemias 10:36

Iyakar mid saray papari a manlilingkur ed Dios diad Timplo so pangulowan ya anak min laki, ta isaklang mid Dios, onung na ibabagay Ganggan. Iyakar mi met so besag a kilaw na baka mi tan say besag a kilaw na karniro mi odino say besag na kanding mi.

Nehemias 10:37

Mangyakar kamid saray papari diad Timplo na minasan arina ya agawad ononan trigon naani kapag taon; iyakar mi met iray arum nin bagat min alak, larak na oliba, tan amin a klasin prutas. Iyakar mid saray Levita a managalay kakaplo ed saray daralusan min bario so kakaplo na saray bungay tanaman ed dalin mi.

Exodo 13:1

Say Katawan kuantod kinen Moises,

Exodo 13:2

“Isaklang mod siak ya amin iray lalakin anak a pangulowan, ta kayaryan ko so balang sakey a pangulowan a lakin anak ya Israelita tan balang sakey a kalakyan a besag ya anak na ayep.”

Exodo 22:28

“Ag kayo mansasalita na maoges sumpad Dios, tan ag yo isasamba so pangulo na saray totoo yo.

Exodo 22:29

“Iter yod siak, no nasabi lay nigetar a panaon, iray bagat yon trigo, alak, tan saray larak na oliba. “Iter yod siak iray pangulowan ya anak yon lalaki.

Exodo 34:19

“Amin a lakin pangulowan tan amin a besag a kalakyan ya amon ayep et kayaryan ko,

Exodo 34:20

balet nepeg yon dondonen so balang besag ya asno diad pangibagat yo na sakey a kordiro a mangalay pasen to. No ag yo dondonen, poter yoy beklew to. Dondon yo so balang pangulowan a laki. “Balang toon ondagod siak nepeg a walay awit ton bagat.

Ezekiel 16:20

“Insan mo ra inaalay anak mon lalaki tan bibii ya inaanak mo rad siak, insan mo ra imbabagat ed saray talintaoy diriyos. Ag ka ta ni apera ed pagmamaliw mon aliwan matoor ed siak,

Ezekiel 44:30

Kayaryan na saray papari so sankaabigan ed amin da ray onaan a naani tan amin da ray nibagat ed siak. Kapag manggawa na tinapay iray totoo, nepeg ya iter da ed saray papari so ononan tinapay a bagat da, et mansiansia so bindision ko ed saray kaabungan da.

Levitico 27:26

Say besag ya anak na ayep et kayaryan la na Katawan, kanyan ag la nakaukolan ya isaklang ed sikato a sakey a bagat a manlapud mabolus a linawa. Say kilaw na baka, say kordiro, odino say kilaw na kanding et kayaryan la na Katawan,

Saray Bilang 18:15

“Amin a pangulowan ya anak odino besag na ayep ya isaklang ed siak na saray Israelita et kayaryan yo ra. Balet nepeg mon awaten so kuartan panondon dad balang pangulowan ya anak tan nepeg mo met ya awaten so panondon dad balang besag ya ayep ya aliwan malinis onung ed ganggan.

Saray Bilang 3:12

“Kayaryan ko la natan iray Levita. Nen pinatey kon amin iray lalakin pangulowan ya anak na saray Egipsio, insaklang kon kayaryan kon amin iray pangulowan a lakin anak na saray Israelita, tan amin a besag ya anak na saray ayayep. Natan, saray Levita so kayaryan ko, aliwa lan saray lalakin pangulowan ya anak da ray Israelita; sikaray kayaryan ko. Siak so Katawan.”

Saray Bilang 8:17

Nen pinatey ko ray amin a pangulowan ya anak ed Egipto, insaklang kon kayaryan ko so balang lakin pangulowan ya anak na kapag pamilya da ray Israelita tan balang besag ya anak na kapag ayep.

Lucas 2:23

Ta nisulat ed ganggan na Katawan: “Amin a pangulowan ya anak a laki et nakaukolan ya isaklang ed Katawan.”

Deuteronomio 15:19

“Ibiig yon para Katawan a Dios yo ray amin a besag a kalakyan a kilaw na baka tan karniro yo; ag yo pankikimey ira yan baka tan ag yo kakatlian ira yan karniro.