Exodo 12:8 - Maung A Balita Biblia

⁸ Diad satan a labi ikalut so laman na ayep insan ipangan ed ampait a pising tan diad tinapay ya anggapoy libadura.

Maung a Balita Biblia

⁸ Diad satan a labi ikalut so laman na ayep insan ipangan ed ampait a pising tan diad tinapay ya anggapoy libadura.

Exodo 12:8 Iomraidhean Croise

2 Saray Awaran 35:13

Inkakalut na saray Levita iray bagat a para Paskua, onung ed saray totontonen. Inlalambung dad saray banga, kaldiro, tan saray kawali iray masanton bagat, insan masiglat dan imbubunog so karni ed saray totoo.

Saray Salmo 22:14

Anggapo lay biskeg ko; naandin singa danum a naibung ed dalin. Akidkidwas la ray amin a pokepokel ko; atonaw a singa kandila so pusok.

Exodo 12:9

Ag yo kakanen a tariwa odino inlambung, no ag ingen akan yon pinolpugan a pati olo to, sali to, tan saray loob-loob to.

Exodo 13:3

Si Moises kuantod saray totoo, “Tandaan yo yan agew—say agew ya intaynan yon manlapud dalin na Egipto a dimay inkaaripenan yo. Diad sayan agew say Katawan impaway to kayo diad panamegley na baleg a pakayari to. Ag nepeg a kanen ed sayan agew so tinapay a pinaalsad libadura.

Exodo 13:7

Diad loob na pitoran agew ag kayo mamangan na antokaman a tinapay a pinaalsad libadura; nepeg ya anggapoy narumog a libadura odino tinapay a pinaalsad libadura ed inerman a pasen ed dalin yo.

Exodo 23:18

“Ag kayo mangisasaklang na tinapay a pinaalsad libadura no mangibagat kayod siak na ayep. Say taba na saray ayep ya imbagat ed siak legan na sarayan pista et ag nepeg ya ikera ya anggad ontombuk a kabwasan.

Exodo 34:25

“Ag kayo mangibabagat na tinapay a pinaalsad libadura no mangisaklang kayod siak na ayep. Ag kayo mangikekera ya anggad kabwasan na antokaman a parti na ayep a pinatey no Pista na Paskua.

Isaias 53:10

Say Katawan kuanto, “Linawak a sikatoy manirap; sakey a bagat a makapirdonay kasalanan so impatey to. Kanyan nanengneng to ray kabyangay boleg to; andokey so pambilay to, tan diad panamegley to maung so pansumpalay getmak.

Amos 4:5

Ituloy yoy pangibagat yo na tinapay diad pisalamat yod Dios, tan ipanta yoy masoluk a bagat yo! Sikato yay labalabay yon gawaen.

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Mateo 16:12

Insan atalusan na saray disipulo ya aliwan samay libaduran ikakanad tinapay so imbaga ton alwaran da, no ag say bangat da ray Pariseo tan saray Saduseo.

Mateo 26:26

Nen peles dan mangakan, angalay tinapay si Jesus. Kasumpal ton akisalamat ed Dios, pinipisag to, insan to inter ed saray disipulo to tan kuanto, “Ala yo ya tan akan yo; sikato yay laman ko.”

TAGA GALACIA 5:9

Onung na kuanda, “Napaalsa na daiset a libadura so intiron masa.”

Deuteronomio 16:7

Ilambung yo so karni tan akan yo ed samay pasen a panangigalangan; diad ontombuk a kabwasan sempet ki la.

1 TESALONICA 1:6

Inalig yo kami tan say Katawan. Diad impangawat yoy Maung a Balita, nanlikna kayoy ontan lan kairapan; balet anggaman ontan, walad sikayoy liket a manlalapud Ispiritu Santo.