Exodo 12:49 - Maung A Balita Biblia

⁴⁹ Nampapara ray totontonen a nepeg a tombuken na saray nianak ya Israelita tan saray sangkailin manaayam ed bansa yo.”

Maung a Balita Biblia

⁴⁹ Nampapara ray totontonen a nepeg a tombuken na saray nianak ya Israelita tan saray sangkailin manaayam ed bansa yo."

Exodo 12:49 Iomraidhean Croise

Exodo 12:50

Tinmoluk ya amin iray Israelita, tan ginawa ra so ingganggan na Katawan ed kindi Moises tan Aaron.

Levitico 19:34

Ipasen yo ran singa pangipasen yod saray kapara yon Israelita, tan aro yo ran singa panangaro yod sikayon dili. Ag yo lilingwanan a sangkaili kayo met nen saman ed dalin na Egipto. Siak so Katawan a Dios yo.

Levitico 24:22

Sayan ganggan et para sikayon amin ya Israelita tan saray sangkailin manaayam ed dalin yo, lapud siak so Katawan a Dios yo.”

Saray Bilang 15:29

Sayan totontonen et onkana ed siopaman a makapanggawa na ag to ginagalan kasalanan, nianak man ya Israelita odino sakey a sangkailin manaayam ed kawalaan na saray Israelita.

Saray Bilang 35:15

Sikara so siudad a salimbengan na saray Israelita tan saray sangkailin magano ra labat odino mansiansia ran manayam ed kawalaan yo. Siopamay makapatey ya ag to ginagala et nayarin ombatik ed sarayan siudad.

Saray Bilang 9:14

“No say sakey a sangkailin manaayam ed kawalaan yo et labay ton silibraan so Paskua, nepeg ton onuren iray amin a bilin tan totontonen. Nampara so ganggan a para sangkaili tan para Israelita.”

TAGA GALACIA 3:28

Anggapo la siriy pandomaan da ray Judio tan saray Hintil, saray aripen tan saray aliwan aripen, saray lalaki tan saray bibii; saksakey kin amin diad pikakasakey yod Cristo Jesus.

COLOSAS 3:11

Lapud saya anggapo lay pandomaay Hintil tan Judio, asegat tan ag asegat, barbaro, tood takel, aripen o aliwan aripen; si Cristo so amin tan walad amin.