Exodo 12:48 - Maung A Balita Biblia

⁴⁸ balet ag nayarin mangan so toon ag asegat. No manayam lad bansa so sakey a taga arum a bansa tan labay ton silibraan so Paskua a pamagalang ed Katawan, nepeg yo nin segaten ya amin iray lalaki ed pamilya to. Sikatod satan so nipasen a sakey a nianak ya Israelita tan nayarian toy mibiang ed pista.

Maung a Balita Biblia

⁴⁸ balet ag nayarin mangan so toon ag asegat. No manayam lad bansa so sakey a taga arum a bansa tan labay ton silibraan so Paskua a pamagalang ed Katawan, nepeg yo nin segaten ya amin iray lalaki ed pamilya to. Sikatod satan so nipasen a sakey a nianak ya Israelita tan nayarian toy mibiang ed pista.

Exodo 12:48 Iomraidhean Croise

Genesis 17:11

Manlapud natan nakaukolan a pasegat yoy ogaw a laki no waloy agew to; pasegat yo met iray aripen a nianak ed abung yo tan saray aripen a sinaliw yod arum a bansa. Sikato yay tanda na sipanan tayo.

Exodo 12:19

Diad loob na pitoran agew nepeg ya anggapoy libaduran narumog ed kaabungan yo, ta siopaman ed sikayon Israelita odino sangkailin mangan na tinapay a pinaalsad libadura, ag la nibilang a sakey ed saray totook.”

Exodo 12:43

Say Katawan kuantod kindi Moises tan Aaron, “Sikara ya so totontonen no silibraan so Paskua: Anggapoy toon taga arum a bansa a nayarin mangan na kakanen na Paskua,

Ezekiel 14:7

“Kapag sakey ed saray Israelita odino sakey ed saray sangkailin manaayam ed panaayaman da ray Israelita et ibeneg to ak tan mangigalang ed saray talintaoy diriyos, insan onlan mangipanon ed sakey a propita, sikatoy ebatan ko, siak a Katawan!

Ezekiel 44:9

“Siak a Katawan a Dios ibabawag ko ya ag onloob ed Timplok so siopaman a toon ag asegat a sangkaili, saray ag onoonur ed siak, anggan saray sangkailin manaayam ed kawalaan da ray totood Israel.”

Ezekiel 47:22

kayaryan yo ya anggad angga. No apagen yo so dalin nepeg a wala met so betang na saray sangkailin manaayam ed kawalaan yo tan nianak dia ray anak da. Nepeg ya ipasen yo ran singa say kipapasen na peteg ya Israelita tan nepeg a mikaot irad saray tribu na Israel diad pangala ray betang da.

Levitico 19:34

Ipasen yo ran singa pangipasen yod saray kapara yon Israelita, tan aro yo ran singa panangaro yod sikayon dili. Ag yo lilingwanan a sangkaili kayo met nen saman ed dalin na Egipto. Siak so Katawan a Dios yo.

Saray Bilang 9:14

“No say sakey a sangkailin manaayam ed kawalaan yo et labay ton silibraan so Paskua, nepeg ton onuren iray amin a bilin tan totontonen. Nampara so ganggan a para sangkaili tan para Israelita.”

TAGA GALACIA 3:28

Anggapo la siriy pandomaan da ray Judio tan saray Hintil, saray aripen tan saray aliwan aripen, saray lalaki tan saray bibii; saksakey kin amin diad pikakasakey yod Cristo Jesus.

COLOSAS 3:11

Lapud saya anggapo lay pandomaay Hintil tan Judio, asegat tan ag asegat, barbaro, tood takel, aripen o aliwan aripen; si Cristo so amin tan walad amin.