Exodo 12:43 - Maung A Balita Biblia

⁴³ Say Katawan kuantod kindi Moises tan Aaron, “Sikara ya so totontonen no silibraan so Paskua: Anggapoy toon taga arum a bansa a nayarin mangan na kakanen na Paskua,

Maung a Balita Biblia

⁴³ Say Katawan kuantod kindi Moises tan Aaron, Sikara ya so totontonen no silibraan so Paskua: Anggapoy toon taga arum a bansa a nayarin mangan na kakanen na Paskua,

Exodo 12:43 Iomraidhean Croise

2 Saray Awaran 30:18

Amayamay met ed saray totoon nanlapud tribu di Efraim, Manases, Isacar, tan Zabulon so ag nanlinis na sikaran dili onung ed ganggan, kanyan aliwan manepeg so pansisilibra rad Paskua. Kanyan impikasi ra nen Ezekias:

Exodo 12:11

No kanen yo, nepeg ya akakawes ki la na pambiahi yo, akasandalya kayo la tan sankabembenan yo lay baston yo; ganatan yoy mangan. Sikatoy Pista na Paskua a pamagalang ed siak a Katawan.

Exodo 12:48

balet ag nayarin mangan so toon ag asegat. No manayam lad bansa so sakey a taga arum a bansa tan labay ton silibraan so Paskua a pamagalang ed Katawan, nepeg yo nin segaten ya amin iray lalaki ed pamilya to. Sikatod satan so nipasen a sakey a nianak ya Israelita tan nayarian toy mibiang ed pista.

Ezekiel 44:7

Dinotakan da so Timplok diad impangyabuloy dad saray totoon ag asegat a sangkaili, saray totoon ag mangoonur ed siak, ya onloob ed Timplo no ibabagat ed siak iray taba tan dala na saray ayayep ya ibagat. Kanyan saray totook dineral day impisipanan ko lapud amin a makapaingungot a ginagawa ra.

Levitico 22:10

“Saray kabyangan labat na pamilyay pari so nayarin mangan na saray masanton bagat; anggapo lay arum a nayarin mangan ed sarayan bagat—ag nayari so anggan toon manaayam ed sakey a pari odino say toon uupaan ton mankimey.

Levitico 22:13

Balet say balo odino insian a bii ya anggapoy anak to tan pinmawil a manaayam ed abung na ama to a singa say gendat a kipapasen to nen marikit ni, nayarin mangan na kakanen a nanaawat na ama ton pari. Saray kabyangan labat na pamilya na pari so nayarin mangan na saray masanton bagat.

Saray Bilang 9:14

“No say sakey a sangkailin manaayam ed kawalaan yo et labay ton silibraan so Paskua, nepeg ton onuren iray amin a bilin tan totontonen. Nampara so ganggan a para sangkaili tan para Israelita.”

TAGA-EFESO 2:12

Nunot yon asian kid Cristo ed saman a panaon, aliwa kayon kabyangay baley na Israel, tan anggapoy pinanabang yod saray sipanan a niletneg ed saray sipay Dios ed saray totoo to. Mambibilay kid saman ya anggapoy ilalo tan anggapoy Dios.

1 Samuel 2:27

Linmad kinen Eli so sakey a propita a nankuan, “Onyay papaibagay Katawan: ‘Nen si lakim ya Aaron tan say pamilya to et aripen iray ari na Egipto, impaamtak ed sikara so siak a dili.