Exodo 12:3 - Maung A Balita Biblia

³ Iter mo ra yan bilin ed amin ya Israelita: Diad kumaplon agew na sayan bulan say balang ateng a laki et nepeg a mamili na sakey a kordiro odino sakey a kilaw na kanding a para pamilya to.

Maung a Balita Biblia

³ Iter mo ra yan bilin ed amin ya Israelita: diad kumaplon agew na sayan bulan say balang ateng a laki et nepeg a mamili na sakey a kordiro odino sakey a kilaw na kanding a para pamilya to.

Exodo 12:3 Iomraidhean Croise

Genesis 22:8

Inmebat si Abraham, “Say Dios a dili so mangiter na kordiro ya ibagat.” Intuloy day panaakar da.

Genesis 4:4

Insan angyakar met si Abel na kordiron besag na sakey ed saray karniro to, pinatas to, tan imbagat to ray sankaabigan a parti. Akaliket so Dios ed kinen Abel tan samay bagat to,

2 Saray Awaran 35:7

Angiter si Ari Josias na talomplon libon karniro, kordiro, tan malangwer a kanding tan talon libon bakan kalakyan ya ikana na saray totoo no Paskua; dilin ayayep to ra ya.

Exodo 12:2

“Sayan bulan et ononan bulan na taon para sikayo.

Exodo 12:21

Tinawag nen Moises ya amin iray pangulo na Israel tan kuantod sikara, “Mamili so balang sakey ed sikayo na sakey a kordiro odino sakey a kilaw na kanding tan pateyen to, pian nasilibraan na saray pamilya yo so Paskua.

Exodo 12:4

No lapud kinamelag na pamilya to et ag da naoput so intiron ayep, say pamilya to tan say pamilyan kaabay to so mannanabang a mangan na sakey ya ayep, onung na karakel na kabyangan na saray pamilya ra tan onung na nayarian a kanen na kapag too.

Exodo 12:6

Insan diad labi na kumalabinapat ya agew na bulan, say amin a totood Israel et pateyen da ray ayayep a para paskua.

Exodo 14:15

Say Katawan kuantod kinen Moises, “Akin et onkekerew kay tulong ed siak? Ibagam ed saray totoo ya ituloy day kurang da.

Exodo 20:19

Inkuandad kinen Moises, “No mansalita kad sikami, ondengel kami; balet ag mo pansasalitaen ed sikami so Dios, ta ompan ompatey kami.”

Exodo 4:30

Imbaga nen Aaron ed sikara so amin a sinalitay Katawan ed kinen Moises; insan nanggawa na saray pakelaw si Moises diad imatun da ray katoowan.

Exodo 6:6

Kanyan ibagam ed saray Israelita a sayay kuankod sikara, ‘Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Ezekiel 40:1

Nen kumaplon agew na balon taon a sikatoy kumaduamplo tan liman taon na inkibantak mid arum a bansa tan sikato met so kumalabinapat a taon na inkadakep na Jerusalem, aliknak so pakapanyari na kiwawalay Katawan, insan to ak inyakar ed arawi.

Levitico 1:2

a tombuken na saray Israelita no mangibagat ira. No mangibagat na sakey ya ayep so siopaman, nepeg a say ayep a manlapud saray baka to, odino diad saray karniro to odino diad saray kanding to.

Levitico 5:6

tan say dusay kasalanan to et say pangibagat tod Katawan na sakey a kabatyan a karniro odino kanding. Say pari isaklang to so bagat a para kasalanan to yan too.

Saray Bilang 15:11

Sikato ya so itekep ya iyapay ed kapag bagat a bakan kalakyan, karniron kalakyan, karniron kabatyan, odino kanding.

Juan 1:29

Diad kaimbwasan, anengneng nen Juan si Jesus ya ondaragod sikato. Inkuanto, “Nia so Kordiro na Dios a mangekal na kasalanay sankamundoan.

Juan 1:36

Nen anengneng ton manaakar si Jesus inkuanto, “Niay Kordiro na Dios!”

Juan 12:1

Nen anem agew kasakbayan ya onsabiy pistay Paskua, linmay Jesus ed Betania a baley nen Lazaro a binilay to.

Juan 12:12

Kaimbwasan, nadngelan na dakerakel a totoon akipaskua a si Jesus et mamapaarap ed Jerusalem.

1 CORINTO 5:7

Nepeg yon ekaley daan a libadura, say kasalanan, pian magmaliw kayon petepeteg a malinis. Diad ontan mipara kayod balon masa ya anggapoy libadura, ta talagan ontan kayo. Ta nibagat lay Cristo a Kordiro tayon onkanad Paskua.

Josue 7:14

Kanyan ibagam ed sikara a nabwas ondagod siak a mansosoblay iray tribu. Diad tribun napilik ondagod siak so balang boleg, tan diad boleg a napilik ondago so balang pamilya. Diad pamilyan napilik ondagod siak so balang laki.

Puyan 13:8

Mangigalang ed sikatoy amin a mambibilay ed tapew na dalin, a salanti saray totoon ag nisulat so ngaran da, kasakbayay inkapalsa na mundo, ed libro na bilay a kayaryay Kordiro a pinatey.

1 Samuel 7:9

Angalay Samuel na onsususo nin kordiro tan pinoolan ton intiro ya imbagat ed Katawan. Insan akikasi a tulongan na Katawan so Israel, et inebatan na Katawan so pikakasi to.