Exodo 12:29 - Maung A Balita Biblia

²⁹ Diad pegley labi, pinatey na Katawan iray amin a lalakin pangulowan ya anak ed Egipto manlapud lakin pangulowan ya anak na ari, a sikatoy onsalat a manari, ya anggad lakin anak na priso ya akolung ed dalem na ambilbilonget a prisowan; inatey met ya amin iray besag ya anak na saray ayayep.

Maung a Balita Biblia

²⁹ Diad pegley labi, pinatey na Katawan iray amin a lalakin pangulowan ya anak ed Egipto manlapud lakin pangulowan ya anak na ari, a sikatoy onsalat a manari, ya anggad lakin anak na priso ya akolung ed dalem na ambilbilonget a Prisowan; inatey met ya amin iray besag ya anak na saray ayayep.

Exodo 12:29 Iomraidhean Croise

Genesis 15:14

Balet dusaen koy bansan mangaripen ed sikara, tan dakel a kayamanan so awiten da no taynan da man a bansa.

Say Libro nen Job 34:20

Nayarin biglan ompatey ed labi so sakey a too. Kakabilen na Dios iray totoo et ompatey ira; mainomay ton pateyen iray makapanyarin totoo.

Saray Salmo 105:36

Pinatey ton amin iray pangulowan a lakin anak na balang pamilya ed Egipto.

Saray Salmo 135:8

Diad Egipto, pinatey ton amin iray pangulowan, too man odino ayep.

Saray Salmo 136:10

Pinatey to ray lalakin pangulowan ya anak na saray Egipsio; andi-anggaan so panangaro to.

Saray Salmo 78:50

Ag to pinokpokay pasnuk to, odino kinawanan so bilay da, no ag ta pinatey to rad sakey a salot.

Saray Salmo 78:51

Pinatey to ray lalakin pangulowan ya anak ed amin a pamilya na Egipto.

Exodo 11:1

Insan say Katawan kuantod kinen Moises, “Mangiter ak niy sakey a kaonuran a dusa ed ari na Egipto tan diad saray totoo to. Kayari to ya, abuloyan to kayo lan ontaynan. Diad tuay tua, pasooten to kayo lan pataynanen ya amin.

Exodo 12:12

“Diad satan a labi onliber ak ed intiron dalin na Egipto, pateyen koy balang pangulowan ya anak a laki tan amin a besag ya anak na ayep tan dusaen kon amin iray diriyos na Egipto. Siak so Katawan.

Exodo 12:28

Insan linma la ra tan sinumpal da may ingganggan na Katawan ed kindi Moises tan Aaron.

Exodo 13:15

Nen anawet so puso na ari na Egipto tan ag to kami pataynanen, say Katawan pinatey toy amin a lakin pangulowan ya anak ed dalin na Egipto, tan amin a besag a kalakyan ya anak na ayayep. Sikato yay makasengeg no akin et ibabagat mid Katawan so balang kalakyan a besag ya anak na ayep tan dodondonen mi ray pangulowan a lakin anak mi.

Exodo 4:23

Imbagak lad sika ya abuloyan mon ontaynan, pian makapangigalang ed siak, balet ag ka inmabuloy. Natan pateyen koy lakin pangulowan ya anak mo.’”

Exodo 9:6

Diad kaimbwasan ginawa na Katawan so imbaga to, tan inaatey ya amin iray ayayep na saray Egipsio, balet anggapoy inatey ya anggan sakey ya ayep na saray Israelita.

Isaias 24:22

Say Dios panseseksekan to ray arari, a singa ra priso ed sakey ya abut. Ipriso to ra ya anggad onsabiy oras a pakadusa ra.

Isaias 41:11

“Amin da ray ampetang so olo rad sikayo et nakabatan day kababaingan na inkatalo. Ompatey iray onlalaban ed sikayo

Isaias 51:14

Ag mabayag nabolus la ray priso; mambilay ira na andokey tan nawalaan ira na amin a nakaukolan dan kanen.

Jeremias 38:13

Ginoyur da ak sirin diad panamegley na samay lobir, et naagwat ak. Kayari to ya, nipokuk ak lad dalem na patio.

Jeremias 38:6

Kanyan inala ra ak tan diad panamegley na lobir inlosur da ak ed dalem na bobun a walad patio tan kayaryan nen Prinsipi Malkias. Anggapoy danum to may bobun no ag ingen pitek labat so karga to, kanyan kinmotep ak.

Habacuc 3:5

Papaonaen tod arap to so salot tan gangganen ton ontombuk ed sikato so patey.

Zacarias 9:11

Say Katawan kuanto, “Lapud impisipanan kod sika samay sipanan a pinaletan na dala da ray bagat, ibolus ko ray totoom naagwat irad anggapoy danum a bobun na inkibantak ed arum a bansa.

Saray Bilang 33:4

a mangipopompon na saray pangulowan a lalakin anak da a pinapatey na Katawan. Diad impanggawa na Katawan ed saya, impanengneng ton sikatoy makapanyari nen saray diriyos ed Egipto.

Saray Bilang 8:17

Nen pinatey ko ray amin a pangulowan ya anak ed Egipto, insaklang kon kayaryan ko so balang lakin pangulowan ya anak na kapag pamilya da ray Israelita tan balang besag ya anak na kapag ayep.

Saray Hebreo 11:28

Lapud saya met a pananisia inletneg toy Paskua, tan ingganggan toy pangiwalsik na dala ed puirtay kaabungan, pian ag pateyen na Anghil na Patey iray pangulowan ya anak na saray Israelita.

Saray Hebreo 12:23

Sinmingger kayod maliket a tipon da ray pangulowan ya anak na Dios, a nisulat ed tawen iray ngaran da. Sinmingger kayod Dios a huis na amin a pinalsa, tan diad saray ispiritu na totoon matonung a nagmaliw iran ayadyari.