Exodo 12:28 - Maung A Balita Biblia

²⁸ Insan linma la ra tan sinumpal da may ingganggan na Katawan ed kindi Moises tan Aaron.

Maung a Balita Biblia

²⁸ Insan linma la ra tan sinumpal da may ingganggan na Katawan ed kindi Moises tan Aaron.

Exodo 12:28 Iomraidhean Croise

2 Samuel 5:25

Ginawa nen David so ingganggan na Katawan, tan pinasoner to ray Filisteo manlapud Geba ya anggad Gezer.

1 Saray Arari 17:5

Inonur nen Elias so ganggan na Katawan; linman nanayam ed abay na Kolus na Carit.

Exodo 12:27

ebatan yo ra, ‘Sikatoy bagat na Paskua a pamagalang ed Katawan, ta nilabsanan to ray kaabungan na saray Israelita nen wala rad Egipto. Pinatey to ray Egipsio, balet ag to kami pinatey.’” Tinmuek iray Israelita tan inggalang day Katawan.

Exodo 12:29

Diad pegley labi, pinatey na Katawan iray amin a lalakin pangulowan ya anak ed Egipto manlapud lakin pangulowan ya anak na ari, a sikatoy onsalat a manari, ya anggad lakin anak na priso ya akolung ed dalem na ambilbilonget a prisowan; inatey met ya amin iray besag ya anak na saray ayayep.

Exodo 12:35

Ginawa na saray Israelita iray imbaga nen Moises, tan kinmerew irad saray Egipsio na pilak tan balituk ya alahas tan saray kawes.

Exodo 14:4

Paaweten koy puso to, kanyan osilan to kayo, et pakagalangan ko so panalok ed ari tan saray sondalo to. Diad satan naamtaan na saray Egipsio a siak so Katawan.” Ginawa na saray Israelita so nibagad sikara.

Exodo 36:1

“Si Bezalel, si Oholiab, tan amin nin arum a marunong a kumikimey, ya angiteran na Katawan na karunongan tan pakatalus a manggawa na antokaman a nakaukolan ed pangipaalagey na Tuldan Ayamay Katawan, et nepeg a gawaen day amin a bengatla onung na ingganggan na Katawan.”

Exodo 39:32

Asumpal a siansia iray amin a kimey ed Tuldan Ayamay Katawan. Saray Israelita ginawa ray amin a bengatla onung na ingganggan na Katawan ed kinen Moises.

Exodo 39:42

Saray Israelita ginawa ra yan amin a kimey onung na ingganggan na Katawan ed kinen Moises.

Exodo 39:43

Inapiapiger iran ninengneng nen Moises, et anengneng ton ginawa ray amin a bengatla, onung na ingganggan na Katawan. Kanyan binindisionan nen Moises ray totoo.

Exodo 7:10

Linma ra sirin di Moises tan Aaron ed ari tan ginawa ra so ingganggan na Katawan. Imbontuk nen Aaron so baston to ed arap na ari tan saray opisyal to, et nagmaliw ya oleg.

Exodo 7:6

Sinumpal di Moises tan Aaron so ingganggan na Katawan ed sikara.

Levitico 24:23

Nen nibaga la ya nen Moises ed saray totood Israel, impaway dad kampo may laki tan tinupak da ya anggad inatey. Diad onya saray totood Israel ginawa ra so ingganggan na Katawan ed kinen Moises.

Saray Bilang 1:54

Sinumpal sirin na saray Israelita iray amin ya ingganggan na Katawan ed kinen Moises.

Saray Bilang 31:31

Ginawa di Moises tan Eleazar so ingganggan na Katawan.

Saray Bilang 31:41

Kanyan inter nen Moises ed kinen Eleazar yan buis a nidoma-doman rigalo ed Katawan, onung na ingganggan na Katawan.

Saray Bilang 31:47

Diad sayan betang amawas si Moises na sakey a priso ed kapag limamplo; onya met so ginawa tod saray ayayep. Onung ed ganggan na Katawan, inter to rad saray Levita a makaoley irad Tulda na Katawan.

Saray Bilang 5:4

Tinmoluk iray Israelita ed imbagay Katawan kanyan pinapaway da rad kampo.

Deuteronomio 34:9

Si Josue a lakin anak nen Nun et napno na kakabatan, lapud tinoro nen Moises a kasalat to. Inonur na saray totood Israel si Josue tan sinumpal da ray ganggan ya inter ed sikara na Katawan diad panamegley nen Moises.

Saray Hebreo 11:28

Lapud saya met a pananisia inletneg toy Paskua, tan ingganggan toy pangiwalsik na dala ed puirtay kaabungan, pian ag pateyen na Anghil na Patey iray pangulowan ya anak na saray Israelita.

Josue 14:5

Inapag-apag na saray totood Israel so dalin onung na ingganggan na Katawan ed kinen Moises.

Josue 2:21

Inmabubon imay bii insan to la ra pinasiput. Nen andi la ra, imberber tod bintana imay ambalangan koldon.

Josue 4:8

Sinumpal na saramay lalaki imay ganggan nen Josue. Onung na ingganggan na Katawan ed kinen Josue, angala ra may lalaki na labinduan batod pegley na Jordan, sakey a bato so para kapag tribu na Israel, inawit da rad pasen a pankampoan da, tan inlira da rad man.