Exodo 12:21 - Maung A Balita Biblia

²¹ Tinawag nen Moises ya amin iray pangulo na Israel tan kuantod sikara, “Mamili so balang sakey ed sikayo na sakey a kordiro odino sakey a kilaw na kanding tan pateyen to, pian nasilibraan na saray pamilya yo so Paskua.

Maung a Balita Biblia

²¹ Tinawag nen Moises ya amin iray pangulo na Israel tan kuantod sikara, Mamili so balang sakey ed sikayo na sakey a kordiro odino sakey a kilaw na kanding tan pateyen to, pian nasilibraan na saray pamilya yo so Paskua.

Exodo 12:21 Iomraidhean Croise

2 Saray Arari 23:21

Si Ari Josias ingganggan to ray katoowan a silibraan day Paskua a pamagalang dad Katawan a Dios da, onung na nisulat ed libro na sipanan.

Esdras 6:20

Amin da ray papari tan amin a Levita et nilinisan day sikaran dili onung ed ganggan. Pinatey na saray Levita iray ayayep ya ibabagat no Paskua; para amin da ray totoon pinmawil, para saray papari, tan para sikara.

Exodo 12:11

No kanen yo, nepeg ya akakawes ki la na pambiahi yo, akasandalya kayo la tan sankabembenan yo lay baston yo; ganatan yoy mangan. Sikatoy Pista na Paskua a pamagalang ed siak a Katawan.

Exodo 12:3

Iter mo ra yan bilin ed amin ya Israelita: Diad kumaplon agew na sayan bulan say balang ateng a laki et nepeg a mamili na sakey a kordiro odino sakey a kilaw na kanding a para pamilya to.

Exodo 17:5

Say Katawan kuantod kinen Moises, “Mangitagar kay pigaran pangulo na Israel, tan onaan yon manakar iray totoo. Awit mo may baston ya impamakbak mod Ilog na Nilo.

Exodo 19:7

Kanyan si Moises inmakseb tan impantitipon to ray pangulo na saray totoo tan imbaga tod sikara ira may amin ya ingganggan ed sikato na Katawan.

Exodo 3:16

Laka sirin, ta tipon mo ray pangulo na Israel tan ibagam ed sikara a siak, say Katawan na saray lalaki ra, say Dios di Abraham, Isaac, tan Jacob et pinmanengneng ak ed sika. Ibagam met ed sikara a dinalaw ko ra tan anengneng koy gagawaen na saray Egipsio ed sikara.

Saray Bilang 11:16

Say Katawan kuantod kinen Moises, “Manipon ka na pitomplon lalakin nabibirbir a pangulo na saray totoo, iyakar mo rad mad Tuldan Ayaman ko, tan ibagam ed sikaran manalagey irad abay mo.

1 CORINTO 10:4

inminom ira na namparan maispiritu ya iinomen. Inminom ira ed maispiritun bato ya angolup ed sikara, tan sayan baton-dampay et si Cristo.

Saray Hebreo 11:28

Lapud saya met a pananisia inletneg toy Paskua, tan ingganggan toy pangiwalsik na dala ed puirtay kaabungan, pian ag pateyen na Anghil na Patey iray pangulowan ya anak na saray Israelita.

Josue 5:10

Legan a nankampod Gilgal iray Israelita diad patar ya asingger ed Jerico, sinilibraan da so Paskua diad labi na kumalabinapat ya agew na bulan.