Exodo 12:15 - Maung A Balita Biblia

¹⁵ Say Katawan kuanto, “Diad loob na pitoran agew ag kayo mamangan na tinapay a pinaalsad libadura—saray tinapay ya anggapoy libadura labat so kanen yo. Diad ononan agew ibantak yoy amin a libaduran narumog yo ed kaabungan yo, ta no walay Israelitan mangan na tinapay a nanlibadura legan na sarayan agew, ag la nibilang a sakey ed saray totook.

Maung a Balita Biblia

¹⁵ Say Katawan kuanto, Diad loob na pitoran agew ag kayo mamangan na tinapay a pinaalsad libadurasaray tinapay ya anggapoy libadura labat so kanen yo. Diad ononan agew ibantak yoy amin a libaduran narumog yo ed kaabungan yo, ta no walay Israelitan mangan na tinapay a nanlibadura legan na sarayan agew, ag la nibilang a sakey ed saray totook.

Exodo 12:15 Iomraidhean Croise

Genesis 17:14

Siopamay lakin ag asegat et ag la nibilang a kabyangan na saray totook, ta ag to tinoor so impisipanan ko.”

2 Saray Awaran 30:21

Pitoy agew a magayaga sinilibraan na saray totoon nantitipon ed Jerusalem so Pista na Tinapay ya Anggapoy Libadura, tan saray Levita tan saray papari et inagew-agew dan indadayew so Katawan diad anggaay nayarian da.

Esdras 6:22

Pitoy agew a sigput so liket dan nansilibra ed Pistay Tinapay ya Anggapoy Libadura. Malikeliket ira lapud ginawa na Katawan so Impirador na Asiria a maabig so linawa tod sikara, kanyan initdan to ra na ginastos dad impangipaalagey da lamet ed Timplo na Dios na Israel.

Exodo 12:8

Diad satan a labi ikalut so laman na ayep insan ipangan ed ampait a pising tan diad tinapay ya anggapoy libadura.

Exodo 13:3

Si Moises kuantod saray totoo, “Tandaan yo yan agew—say agew ya intaynan yon manlapud dalin na Egipto a dimay inkaaripenan yo. Diad sayan agew say Katawan impaway to kayo diad panamegley na baleg a pakayari to. Ag nepeg a kanen ed sayan agew so tinapay a pinaalsad libadura.

Exodo 23:15

Diad bulan na Abib, say bulan ya intaynan yod Egipto, silibraan yo so Pista na Tinapay ya Anggapoy Libadura onung na ingganggan kod sikayo. Ag kayo mamangan na tinapay a pinaalsa ed libadura legan na pitoran agew na sayan pista. Ag kayo ondadagon mangigalang ed siak ya anggapoy awit yon bagat.

Exodo 30:33

Siopamay toon mangalig na inkagawa to odino mangikanad siopaman ya aliwan pari, sikatoy ag la nibilang a sakey ed saray totook.’”

Exodo 30:38

Siopamay toon manggawa na kapara to ya, ta ikana ton pabalingit, ag la nibilang a sakey ed saray totook.”

Exodo 31:14

Nepeg yon ngilinan so agew na panagpainawa, lapud masanto yan agew. Siopamay toon ag manngilin ed sayan agew, no ag ingen mankimey, nepeg a pateyen.

Exodo 34:18

“Silibraan yoy Pista na Tinapay ya Anggapoy Libadura. Onung na ingganggan kod sikayo, mangan kayo na tinapay ya anggapoy libadura ed loob na pitoran agew no bulan na Abib, ta saman imay bulan ya impanaynan yod Egipto.

Exodo 34:25

“Ag kayo mangibabagat na tinapay a pinaalsad libadura no mangisaklang kayod siak na ayep. Ag kayo mangikekera ya anggad kabwasan na antokaman a parti na ayep a pinatey no Pista na Paskua.

Levitico 17:10

No walay Israelita odino sangkailin manaayam ed kawalaan da ray Israelita a mangan na dala, sumpaen na Katawan tan ag to la ibilang a sakey ed saray totoo to.

Levitico 17:14

Walad dala so bilay na amin a pinalsan mabilay; sikato yay makasengeg a say Katawan imbaga tod saray totood Israel ya ag ira mangan na dala tan ag la nibilang a sakey ed saray totoo to so siopaman a mangan na dala.

Malakias 2:12

Ekalen komun na Katawan ed olupan na saray Israelita so siopaman a nanggawad saya, tan ag to la ran balut pibiangen ed saray bagat ya isasaklang na bansa tayo ed Katawan a Makapanyarin-amin.

Saray Bilang 28:17

Diad kumalabinliman agew onggapo so pitoran agew a pista tan legan to ya say tinapay ya anggapoy libadura labat so nayarin kanen.

Saray Bilang 9:13

Siopamay aliwan marotak onung ed ganggan tan ag mambiabiahi balet et ag to silibraan so Paskua, naekal lan kabyangan na saray totook, lapud ag to insaklang ed siak so bagat diad nigetar a panaon. Nepeg a nadusa lapud kasalanan to.

Mateo 16:12

Insan atalusan na saray disipulo ya aliwan samay libaduran ikakanad tinapay so imbaga ton alwaran da, no ag say bangat da ray Pariseo tan saray Saduseo.

Lucas 12:1

Nen libo-libon totooy nantitipon, a diad karakel da et makapanggagatinan la ra, inkuanen Jesus ya onona ed saray disipulo to, “Manalwar kayod libadura na saray Pariseo, salanti say pansimpisimpitan da.

Lucas 2:43

Kasumpal na pista, linma la ran onsempet. Balet si Jesus tinmilak ed Jerusalem ya ag amtay atateng to.

Saray Gawgawa 12:3

Nen anengneng ton labalabay na saray Judio yan ginawa to, insoblay ton impaerel si Pedro. (Agawa ya nen Pistay Tinapay ya Anggapoy Libadura.)

TAGA GALACIA 5:12

Ag labat komun pasegat ira tay manggugunigon ed sikayo, no ag ta pakapun la ra laingen.

Deuteronomio 16:3

No kanen yo yan panangan, ag kayo mangakan na tinapay a walay libadura. Ta pitoy agew mangan kayo na tinapay ya anggapoy libadura to, a singa samay ginawa yo nen tinaynan yon magangganat so Egipto. Akan yo yan tinapay, say tinapay na kairapan, pian legan na pambilay yo nanunotan yo may agew ya impaway yod Egipto, saman a pasen a nanirapan yo.

Deuteronomio 16:5

“Patas yod samay pasen a panangigalangan iray ayayep ya onkanad Paskua—aliwan diad anggan iner a pasen ed dalin ya iter ed sikayo na Katawan a Dios yo. Patas yo ra no onseselek so agew, ta sikato yay oras na impanaynan yod Egipto.

Deuteronomio 16:8

Diad ontombuk ya anem agew nepeg a mangan kayoy tinapay ya anggapoy libadura, tan diad kumapiton agew mantitipon kayon mangigalang ed Katawan a Dios yo, tan ag kayo mankikimey ed satan ya agew.