Exodo 12:14 - Maung A Balita Biblia

¹⁴ Nepeg yo yan silibraan ya agew tan sikatoy pakanudnunotan yo ed ginawak, siak a Katawan. Silibraan yo ed anggan kapigan a panaon.”

Maung a Balita Biblia

¹⁴ Nepeg yo yan silibraan ya agew tan sikatoy pakanudnunotan yo ed ginawak, siak a Katawan. Silibraan yo ed anggan kapigan a panaon.

Exodo 12:14 Iomraidhean Croise

2 Saray Arari 23:21

Si Ari Josias ingganggan to ray katoowan a silibraan day Paskua a pamagalang dad Katawan a Dios da, onung na nisulat ed libro na sipanan.

Saray Salmo 111:4

Ag ipapalingwan na Katawan iray makapakelaw a kimey to; sikatoy mapangasi tan maabagey.

Saray Salmo 135:13

Katawan, nibawag ka lawas a Dios; nanunotan ka na amin a kailalakan.

Exodo 12:17

Silibraan yo yan pista, ta diad sayan agew impaway kod Egipto iray tribu yo. Diad anggan kapigan a panaon nepeg yon silibraan yan agew a sakey a pista.

Exodo 12:24

Sikayo tan saray anak yo et nepeg yon onuren ed ando lan ando ira yan bilin.

Exodo 12:43

Say Katawan kuantod kindi Moises tan Aaron, “Sikara ya so totontonen no silibraan so Paskua: Anggapoy toon taga arum a bansa a nayarin mangan na kakanen na Paskua,

Exodo 12:6

Insan diad labi na kumalabinapat ya agew na bulan, say amin a totood Israel et pateyen da ray ayayep a para paskua.

Exodo 23:15

Diad bulan na Abib, say bulan ya intaynan yod Egipto, silibraan yo so Pista na Tinapay ya Anggapoy Libadura onung na ingganggan kod sikayo. Ag kayo mamangan na tinapay a pinaalsa ed libadura legan na pitoran agew na sayan pista. Ag kayo ondadagon mangigalang ed siak ya anggapoy awit yon bagat.

Exodo 27:21

Di Aaron tan saray anak ton lalaki et sikaray mangasikaso na lamparaan ed dalem na Tuldan ayaman ko diad paway na kurtina a walad arap na Kaban na Sipanan. Diad arap ko, say lamparaan et nepeg a mandarlang manlapud labi ya anggad kabwasan. Sayan ganggan et nepeg a sumpalen ya anggad angga na saray Israelita tan saray kabyangay boleg da.

Exodo 5:1

Insan di Moises tan Aaron linma rad ari na Egipto tan kuanda, “Say Katawan a Dios na Israel kuanto, ‘Abuloyan mo ya onlad kalawakan iray totook, pian makapansilibra ray pista a pamagalang dad siak.’”

Ezekiel 46:14

Ontan met, kapag kabwasan, nepeg a duaran kilon arina so ibagat a katekep toy taloran kakapat na galon a larak na oliba a pangikames ed samay arina. Anggad anggan nepeg ya ipatombuk yan totontonen a para sayan bagat ed Katawan.

Levitico 23:6

Diad kumalabinliman agew say Pista na Tinapay ya Anggapoy Libadura et onggapo, tan diad loob na pitoy agew nepeg ya anggapoy libaduran tinapay so kanen yo.

Zacarias 6:14

Manayam ed dalem na Timplo na Katawan imay korona a sakey a pakanudnunotan ed kindi Heldai, Tobias, Jadaya, tan Josias.”

Saray Bilang 10:8

Saray paparin lalakin anak nen Aaron so mamaknul na saray trumpita. “Say onggendan a totontonen et nepeg ya onuren anggan kapigan.

Saray Bilang 15:15

Diad amin a panaon ya onsabi, nampara ray totontonen a para sikayo tan saray sangkailin manaayam ed kawalaan yo. Anggapo so pandomaan yo ed arap na Katawan;

Saray Bilang 16:40

Sikatoy sakey a pasakbay ed saray Israelita ya anggapoy onsingger ed altar a mampool na insinso para Katawan no aliwan kabyangay boleg nen Aaron. Ta no gawaen da, naparaan day agawad kinen Core tan saramay totoo to. Agawa yan amin onung na ingganggan na Katawan ed kinen Eleazar diad panamegley nen Moises.

Saray Bilang 18:8

Say Katawan kuantod kinen Aaron, “Ag mo lilingwanan ya iter kod sika iray amin a nidoma-doman bagat ya ag poolan ya isaklang da ray totoo. Iter ko rad sika tan saray kabyangay boleg mo, tan sikaray nabebetangan yo ed anggad angga.

Mateo 26:13

Natan, tandaan yo ya! Inerman ed sankamundoan so pangipulongan na sayan Maung a Balita, nasalitay ginawa to yan bii a pakanudnunotan ed sikato.”

Lucas 22:19

Insan angalay tinapay tan kasumpal ton akisalamat ed Dios, pinipisag to, inter tod sikara tan inkuanto, “Sikato yay laman ko a niiter ed sikayo. Gawa yo ya a pakanudnunotan ed siak.”

Deuteronomio 16:1

“Pagalangan yoy Katawan a Dios yo diad panamegley na pansilibra yo na Paskua no bulan na Abib; diad aminsan a labi ed saman a bulan so impangipaway tod sikayod Egipto.

Deuteronomio 16:11

Manliket kayo ed arap na Katawan a pati saray anak yo, saray aripen yo, tan saray Levita, saray sangkaili, saray olila, tan saray balon bibii a manaayam ed saray baley yo. Gawa yo yad samay pasen a panangigalangan.

Deuteronomio 6:8

Ibariber yo rad saray taklay yo tan iberber yo rad muling yo pian nanunotan yo ra.

Josue 4:7

ibaga yod sikara a tinmondan onagos so danum na Jordan nen imbaliw diman so Kaban na Sipanan na Katawan. Saratan a bato et mangipanunot lawas ed saray totood Israel na nipaakar ed agawa dia.”

1 Samuel 30:25

Ginawa nen David yan totontonen et anggad natan, totombuken ni ya na saray Israelita.