Exodo 11:8 - Maung A Balita Biblia

⁸ Insumpal nen Moises so pansasalita to diad impangikuanto, “Ondagod siak ya amin iray opisyal mo tan ondakmomo rad siak, tan kerewen dad siak ya itaynan ko la ray amin a totook. Kayari to tan, ontaynan ak la.” Insan linma lay Moises a mapalaloy pasnuk to.

Maung a Balita Biblia

⁸ Insumpal nen Moises so pansasalita to diad impangikuanto, Ondagod siak ya amin iray opisyal mo tan ondakmomo rad siak, tan kerewen dad siak ya itaynan ko la ray amin a totook. Kayari to tan, ontaynan ak la. Insan linma lay Moises a mapalaloy pasnuk to.

Exodo 11:8 Iomraidhean Croise

1 Saray Arari 20:10

nen Ben-hadad: “Looban ta kad tan a kaibak iray amayamay a sondalon maneral na siudad mo. Diad karakel da sarasarag dan akupen iray deral-deral. Pateyen ak komun na saray diriyos no ag ko ya gawaen!”

2 Saray Arari 3:9

Kanyan linman mibakal si Ari Joram, say ari na Juda, tan say ari na Edom. Kayariy pitoy agew a pankukurang da, naoputan iray danum; anggapoy nakdaan a para saray totoo tan saray ayayep.

Nehemias 5:6

Nen nadngelan ko ray riklamo ra, mapalaloy pasnuk ko.

Saray Salmo 6:1

Katawan, ag mo ak pa pamapasnukan lapud petang na olom! Ag mo ak pa dudusaen lapud pasnuk mo!

Exodo 10:29

Inmebat si Moises, “No sikatoy kuan mo! Ag mo ak lan balut sirin nanengneng.”

Isaias 49:23

Magmaliw a singa ama yo iray arari; magmaliw a singa ina yo iray riyna. Ondakmomo rad sikayo tan igalang da kayo; mapaabeba ran mangigalang ed sikayo. Naamtaan yod satan a siak so Katawan; ag nabaingan so siopaman a toon manalagar na tulong ko.”

Isaias 49:26

Pagmaliwen kon mampapateyan iray mamapairap ed sikayo; nabuek irad pampatey na too. Diad satan naamtaan na amin a katoowan a siak so Katawan, say Mananondon tan Manangilaban yo. Naamtaan da a siak so makapanyarin Dios na Israel.”

Ezekiel 3:14

Linmoob ed siak so mabiskeg a pakayari na Katawan, tan diad pangaawit ed siak na ispiritu, akapasnuk ak tan ansakit so linawak.

Daniel 3:19

Insan mapalaloy impetang na olo nen Nabucodonosor tan binmilonget so lupa tod pasnuk tod kindi Sadrac, Mesac, tan Abednego. Kanyan ingganggan tod saray totoo to a papetangen dan mamimpito so palbaan.

Saray Bilang 12:3

Mapaabeban too si Moises; anggapo lad tapew na dalin so toon mapaabeba nen say sikato.)

Marcos 3:5

Legan a nenengnengen nen Jesus iray totood kaliber-liber to, akapasnuk; balet nantaruk na ermen so pasnuk to, lapud kinaawet na puso ra. Inkuantod samay laki, “Iyonat moy limam.” Inyonat ton tuay lima to, tan inmabig ed saman a bekta.

Deuteronomio 29:24

Insan amin da ray totood intiron mundo tepeten da, ‘Akin et ginawa ya na Katawan ed dalin da? Antoy makasengeg a mapalaloy pasnuk to?

Deuteronomio 32:24

Ompatey irad eras tan sakit a mapalalon petang; ompatey irad makapataktakot iran salot. Mangibaki ak na saray ayayep ed katakelan ya ondogpad sikara, tan saray nanditan oleg a mangetket ed sikara.

Saray Hebreo 11:27

Lapud pananisia, tinaynan nen Moises so Egipto tan ag to tinakotan so pasnuk na ari; mabisbiskeg so linawa to, tan singa anengneng toy ag nanengneng a Dios.

Puyan 3:9

Dengel ka! Paonlaen ko rad sika tan padakmomoen kod arap mo ray kakaiba nen Satanas a matitila tan mangibabagan Judio ra anta andi, pian nakabatan da ya inaro ta ka.

Saray Huis 4:10

Tinawag diman nen Barac iray kabyangay tribu di Zabulon tan Neftali, tan tinmombuk ed sikato iray samplon libon lalaki. Akilad sikato si Debora.

Saray Huis 8:5

Kasabi rad Sukot, inkuantod saray totood baley, “Itdan yo pay tinapay ira yay totook. Makapkapoy la ra, et oosilan ko ra di Zeba tan Zalmuna ya arari na saray Madianita.”