Exodo 11:7 - Maung A Balita Biblia

⁷ Balet anggapoy anggan aso ya ondangul ed saray Israelita, odino anggan diad saray ayayep da. Diad satan naamtaan yo a siak a Katawan idomak so gawaen kod saray Egipsio ed saray Israelita.’”

Maung a Balita Biblia

⁷ Balet anggapoy anggan aso ya ondangul ed saray Israelita, odino anggan diad saray ayayep da. Diad satan naamtaan yo a siak a Katawan idomak so gawaen kod saray Egipsio ed saray Israelita.

Exodo 11:7 Iomraidhean Croise

Say Libro nen Job 5:16

Iitdan toy ilalo iray mairap-bilay, tan ag to paeeselen iray totoon maoges.

Saray Salmo 7:12

No ag ira mampatauli, iyobul na Dios so ispada to. Pipinaten ton itaryay bekang na pana to;

Exodo 10:23

Ag makapannenengnengan iray Egipsio, kanyan anggapoy anggan sakey a pinmaway ed abung to ed loob na taloy agew. Balet walay liwawa ed pasen a panaayaman na saray Israelita.

Exodo 7:22

Insan saray managsalamangka na ari inalig da so ginawa nen Aaron lapud dunong dan mansalamangka. Kanyan anawet nin siansia so puso na ari. Onung na imbaga la na Katawan, say ari ag to ra dinengel di Moises tan Aaron.

Exodo 8:19

tan inkuan na saramay managsalamangka ed ari, “Say Dios so nanggawad saya!” Balet anawet nin siansia so puso na ari tan onung na imbaga lay Katawan, ag dinmengel so ari ed kindi Moises tan Aaron.

Exodo 8:22

Balet ag ko pibaliy lugar a Gosen a panaayaman na saray totook, pian anggapod may apangat. Gawaen koy onya, pian naamtaan mo a siak a Katawan so panlalapwan na saray nagagawa ed sayan dalin.

Exodo 9:26

Say Gosen labat a panaayaman na saray Israelita so pasen ya anggapoy pinmelag a kristal.

Exodo 9:4

Idomak so gawaen kod saray ayayep na saray Israelita ed saray ayayep na saray Egipsio, et anggapoy ompatey ya ayep a kayaryan na saray Israelita.

Malakias 3:18

Maminsan ni nanengneng na saray totook so pandomaan na nagawad saray matonung tan saray maoges a totoo, say pandomaan na pansumpalan da ray totoon manlilingkur ed siak tan diad saray ag manlilingkur ed siak.”

1 CORINTO 4:7

Siopay angipasen a maung kayo ni nen saray arum? Antoy walad sikayo ya ag inter na Dios? No ontan sirin, panoy pampasirayew yon singa aliwan rigaloy Dios iray walad sikayo?

Josue 10:21

Insan amin da ray totoo nen Josue pinmawil irad sikato diad kampod Maceda ya anggapoy agawad sikara. Anggapod saman a dalin so akakpel a nansalita na sumpad saray Israelita.