Exodo 11:4 - Maung A Balita Biblia

⁴ Insan si Moises kuantod ari, “Say Katawan kuanto, ‘Diad mampegley labi onliber ak ed intiron dalin na Egipto

Maung a Balita Biblia

⁴ Insan si Moises kuantod ari, Say Katawan kuanto, Diad mampegley labi onliber ak ed intiron dalin na Egipto

Exodo 11:4 Iomraidhean Croise

2 Samuel 5:24

No narengel mod tagey na kakiewan so tanul na panaakar da ray sondalo, dogpa ka, ta wala ak ed onaan mo a mibakal ed saray sondalo na Filistia.”

Say Libro nen Job 34:20

Nayarin biglan ompatey ed labi so sakey a too. Kakabilen na Dios iray totoo et ompatey ira; mainomay ton pateyen iray makapanyarin totoo.

Saray Salmo 60:10

Peteg ya impolisay mo kami la? Ag ka la miolup ed saray sondalo mi?

Saray Salmo 81:5

Ingganggan to ya ed saray totood Israel nen dinogpaan toy dalin na Egipto. Narerengel koy bosis ya ag ko kabat a kuanto,

Exodo 12:12

“Diad satan a labi onliber ak ed intiron dalin na Egipto, pateyen koy balang pangulowan ya anak a laki tan amin a besag ya anak na ayep tan dusaen kon amin iray diriyos na Egipto. Siak so Katawan.

Exodo 12:23

Ta onliber ed Egipto so Katawan a mamatey ed saray Egipsio, et no nanengneng toy dala ed saray panuksolan tan diad saray lusek ya akapeketan na saray puirta, ag to la palooben ed kaabungan yo so Anghil na Patey tan ag to kayo pateyen.

Exodo 12:29

Diad pegley labi, pinatey na Katawan iray amin a lalakin pangulowan ya anak ed Egipto manlapud lakin pangulowan ya anak na ari, a sikatoy onsalat a manari, ya anggad lakin anak na priso ya akolung ed dalem na ambilbilonget a prisowan; inatey met ya amin iray besag ya anak na saray ayayep.

Isaias 42:13

Say Katawan ompapaway a milaban a singa sondalon mibabakal; akaparaan tan mampilalek a mibakal. Oneeyag na eyag na bakal; ipapanengneng toy pakayari to sumpad saray kalaban to.

Amos 4:10

“Angyakar ak ed sikayo na salot a singa samay salot ya inyakar kod Egipto. Pinatey kod bakal iray lalakin tobun-balo yo tan inaalak iray kabayo yo. Banget na saray bangkay ed saray kampo yo so impapasingob kod sikayo. Balet siansia nin ag kayo pinmawil ed siak.

Amos 5:17

Walay nagawan panaagugolan ed amin da ray kaubasan. Nagawa ra ya, ta onsabi ak a manusad sikayo.” Say Katawan so nansalita.

Mikias 2:13

Say Dios lokasan toy dalan para sikara tan iwanwan to ra manlapud inkibantakan da. Ompaway irad saray puirta na siudad tan nabolus la ra. Say Katawan a dili ya ari ra so mangiwanwan ed sikara.

Mateo 25:6

“Kapegleyan lay labi nen walay ingal, ‘Wadya lay nubio! Gali dia ta abet yo!’