Exodo 11:10 - Maung A Balita Biblia

¹⁰ Ginawa di Moises tan Aaron ira yan amin a milagro diad arap na ari, balet pinaawet na Katawan so puso na ari, kanyan ag abuloyan na ari ya ontaynan iray Israelita ed bansa to.

Maung a Balita Biblia

¹⁰ Ginawa di Moises tan Aaron ira yan amin a milagro diad arap na ari, balet pinaawet na Katawan so puso na ari, kanyan ag abuloyan na ari ya ontaynan iray Israelita ed bansa to.

Exodo 11:10 Iomraidhean Croise

Say Libro nen Job 9:4

Ontan lay kakabatan tan biskeg na Dios; anggapoy makasumlang ed sikato.

Exodo 10:20

Balet pinaawet na Katawan so puso na ari, kanyan ag to inabuloyan ya ontaynan iray Israelita.

Exodo 10:27

Pinaawet na Katawan so puso na ari, kanyan ag to abuloyan ya onla la ray Israelita.

Exodo 12:1

Say Katawan akisalitad Moises tan Aaron diad Egipto. Inkuanto,

Exodo 3:19

Amtak ya ag kayo abuloyan na ari na Egipto ya onla, anggad napasoot na biskeg na pakayari.

Exodo 4:21

Say Katawan inkuanto lamet ed kinen Moises, “No wadman ka lan akaarap ed ari na Egipto, ag mo lilingwanan a gawaen ira may amin a pakelaw, ta inter ko lad sikay pakayarin manggawa. Balet paaweten koy puso to tan ag to ibolus iray totoo.

Exodo 7:3

Balet paaweten koy puso na ari, tan ag to kayo dengelen, anggan antoy karakel so gawaen kon makapataktakot a bengatla ed Egipto.

Exodo 9:12

Balet say Katawan pinaawet toy puso na ari tan onung na imbaga la na Katawan, ag dinmengel ed kindi Moises tan Aaron.

Isaias 63:17

Akin et abuloyan mon nabalangan mi ray dalan mo? Akin et papaaweten moy olo mi, pian nibeneg mi ka? Pawil ka pa, makasengeg ed saray totoon manlilingkur ed sika, saray totoon kayaryan mo lawas.

Juan 12:40

“Binulag na Dios iray kamataan da, tan pinaawet toy kapusoan da, pian ag ira makanengneng, ni makatalus, tan ag ira ompawil ed siak pian paabigen ko ra.”

Saray Taga Roma 9:18

Kanyan kasian na Dios so labay ton kasian, tan paaweten toy puso na labay ton paaweten.

Saray Taga Roma 9:22

Ontan met, anggaman a labay na Dios ya ipanengneng so pasnuk to tan ipaamtay pakayari to, inanosan ton maung ya intepel iray totoon pamapasnukan to tan nepeg la ran dusaen.

Deuteronomio 2:30

“Balet ag itayo inabuloyan nen Ari Sehon ya ondalan ed dalin to. Impagmaliw na Katawan a Dios yo ya anawet so puso to tan mananumlang, pian taloen tayo tan naala tayoy dalin to, say dalin a panaayaman tayo ni ya anggad natan.

Josue 11:20

Say Katawan so amaawet na kapusoan da pian ag ira onsener a mibakal ed saray Israelita, kanyan sigput iran naderal tan napatey ya andi-panangasi. Sikato ya so ingganggan na Katawan ed kinen Moises.

1 Samuel 6:6

Akin et paaweten yoy olo yo a singa say ari na Egipto tan saray Egipsio? Ag yo ta amtan kayarin pinapairap iray Dios et inabuloyan da ray Israelita ya ontaynan ed Egipto?