Exodo 10:23 - Maung A Balita Biblia

²³ Ag makapannenengnengan iray Egipsio, kanyan anggapoy anggan sakey a pinmaway ed abung to ed loob na taloy agew. Balet walay liwawa ed pasen a panaayaman na saray Israelita.

Maung a Balita Biblia

²³ Ag makapannenengnengan iray Egipsio, kanyan anggapoy anggan sakey a pinmaway ed abung to ed loob na taloy agew. Balet walay liwawa ed pasen a panaayaman na saray Israelita.

Exodo 10:23 Iomraidhean Croise

Exodo 14:20

tan nanayam ed nanleetan na saray Egipsio tan saray Israelita. Pinabilonget na samay lorem so kawalaan na saray Egipsio, balet pinaliwawa to so kawalaan da ray Israelita, kanyan sanlabin ag akapansinggeran iray sondalo ra.

Exodo 7:25

Linmabas so pitoran agew nanlapud samay impamakbak na Katawan ed ilog.

Exodo 8:18

Sinali na saramay managsalamangka a palesaen iray timel diad panamegley na panagsalamangka ra, balet ag da nayarian. Kawalaan na timel so amin a pasen,

Exodo 8:19

tan inkuan na saramay managsalamangka ed ari, “Say Dios so nanggawad saya!” Balet anawet nin siansia so puso na ari tan onung na imbaga lay Katawan, ag dinmengel so ari ed kindi Moises tan Aaron.

Exodo 8:22

Balet ag ko pibaliy lugar a Gosen a panaayaman na saray totook, pian anggapod may apangat. Gawaen koy onya, pian naamtaan mo a siak a Katawan so panlalapwan na saray nagagawa ed sayan dalin.

Exodo 9:26

Say Gosen labat a panaayaman na saray Israelita so pasen ya anggapoy pinmelag a kristal.

Exodo 9:4

Idomak so gawaen kod saray ayayep na saray Israelita ed saray ayayep na saray Egipsio, et anggapoy ompatey ya ayep a kayaryan na saray Israelita.

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Amos 4:7

Ag ko pinaoran nen nakaukolan lan mapalalo na saray tanaman yo so danum. Angipelag ak na oran ed sakey a siudad, balet ag ko pinaoran ed arum a siudad. Inmoran ed sakey ya alog, balet andi ed arum.

Malakias 3:18

Maminsan ni nanengneng na saray totook so pandomaan na nagawad saray matonung tan saray maoges a totoo, say pandomaan na pansumpalan da ray totoon manlilingkur ed siak tan diad saray ag manlilingkur ed siak.”

COLOSAS 1:13

Inlaban to itayon nanlapud kabilongetan tan inyalis to itayod panarian na inararo ton Anak.

Josue 24:7

tinmawag irad siak tan kinmerew iray tulong, et angyan ak na bilonget ed nanleetan da tan saray Egipsion inmosil. Impatabonan kod dayat iray Egipsio et nalner ira. Amta yo no antoy ginawak ed Egipto. “‘Abayag kayon nanayam ed kalawakan.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.