Exodo 10:2 - Maung A Balita Biblia

² Ontan met ginawak ira yan milagro, pian nayarian yon salitaen ed saray anak yo tan saray apo yo so impamaabebak ed saray Egipsio nen nanggagawa ak na saray milagro. Naamtaan yo a siak so Katawan.”

Maung a Balita Biblia

² Ontan met ginawak ira yan milagro, pian nayarian yon salitaen ed saray anak yo tan saray apo yo so impamaabebak ed saray Egipsio nen nanggagawa ak na saray milagro. Naamtaan yo a siak so Katawan.

Exodo 10:2 Iomraidhean Croise

2 Samuel 7:22

Agaylay inkatalonggaring mo, Sankatageyan a Katawan! Anggapoy miparad sika; amta mi lawas a bukbukor mo so Dios.

Saray Salmo 44:1

O Dios, nadngel na saray dilin layag mi— imbagad sikami na saray lalaki mi, iray makapakelaw a ginagawam nen panaon da, diad saraman ya agew;

Saray Salmo 44:2

say impamagit mod saray pagano, tan say impangisoblay mod saray totoon manayam ed dalin da; say impanusam ed saray totoon taga arum a bansa, tan say impamaaligwas mod saray dilin totoom.

Saray Salmo 58:11

Ikuay katoowan, “Tuan natutumangan iray matonung; tuan walay Dios a manisintinsiad sankamundoan.”

Saray Salmo 71:18

Natan ta matakken ak la tan ampoti lay buek ko, ag mo ak pa ikakaindan, O Dios! Ag mo ak pa tataynan leleg kon ibabawag ed amin a kailalakan ya onsabi so biskeg mo tan say pakayarim.

Saray Salmo 78:3

saray bengatlan nadngel tan naamtaan mi, saray bengatlan imbagad sikami na saray lalaki mi.

Exodo 13:14

Diad arapen a panaon, no tepeten na saray anak yo so kabaliksan na sayan gawaen yo, onya so iyebat yo; ‘Diad panamegley na baleg a pakayari na Katawan, impaway to kamid Egipto, say pasen ya akaaripenan mi.

Exodo 14:18

Diad panalok ed saray Egipsio naamtaan da a siak so Katawan!”

Exodo 14:4

Paaweten koy puso to, kanyan osilan to kayo, et pakagalangan ko so panalok ed ari tan saray sondalo to. Diad satan naamtaan na saray Egipsio a siak so Katawan.” Ginawa na saray Israelita so nibagad sikara.

Exodo 7:17

Natan, Kagalang ya Ari, say Katawan kuanto a naamtaan moy peteg ya inkasikato diad panamegley na gawaen to. Nengneng mo, ibakbak kod tapew na ilog yan baston, et magmaliw a dala so danum.

Exodo 7:5

Naamtaan ed satan na saray Egipsio a siak so Katawan no iyatagey koy taklay ko sumpad sikara tan ipaway kod bansa ra iray Israelita.”

Exodo 8:6

Kanyan si Aaron inyatagey ton impetek ed amin a tapew na danum so baston to, et sinmakbit iray patang tan kinmayat irad intiron bansa.

Isaias 38:19

Saray mabilay so mangidadayew ed sika, A singa pangidadayew kod sika natan. Ibaga na saray kaamaan ed saray anak da so ontan lan inkatoor mo.

Ezekiel 20:26

Inabuloyan ko ran nadotakan day sikaran dili diad panamegley na saray bagat da, tan inabuloyan ko ran mangibagat na saray pangulowan ya anak dan lalaki. Ginawak ya a panusad sikara tan diad ontan et naamtaan da a siak so Katawan.

Ezekiel 20:28

Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.

Joel 1:3

Ibaga yod saray anak yo so nipaakar ed sayan agawa; ibaga da met ed satan ed saray anak da, insan saratan ya anak da ibaga da met ed ontombuk a kailalakan.

TAGA-EFESO 6:4

Atateng, apiger yoy kagagawa yod anak yo pian ag yo ra napampasnuk. Ingen, pabaleg yo ra onung ed panagdisiplina tan panamilin na Katawan.

Deuteronomio 4:9

Manalwar kayo! Ag yon balut lilingwanan, legay bilay yo, imay anengneng na dilin mata yo. Ibaga yod saray anak yo tan saray apo yo