Exodo 10:15 - Maung A Balita Biblia

¹⁵ Kinobutan day intiron dalin ya anggad andeket so nengneng to; binuag day amin a bengatlan ag aderal na oran a kristal, pati amin a bungay kakiewan. Anggapoy atilak a birdi ed anggan dinan a kiew odino tanaman ed intiron dalin na Egipto.

Maung a Balita Biblia

¹⁵ Kinobutan day intiron dalin ya anggad andeket so nengneng to; binuag day amin a bengatlan ag aderal na oran a kristal, pati amin a bungay kakiewan. Anggapoy atilak a birdi ed anggan dinan a kiew odino tanaman ed intiron dalin na Egipto.

Exodo 10:15 Iomraidhean Croise

Saray Salmo 78:46

Angibakiy amayamay a dorun a nambubuwag ed saray tanem da, tan aneral ed saray aaniyen da.

Exodo 10:12

Insan say Katawan kuantod kinen Moises, “Itorom ed intiron dalin na Egipto so limam, pian onla rad man iray dorun. Onsabi ra tan kanen day amin a tanaman ya ag aderal na oran a kristal.”

Exodo 10:5

Dakerakel iran tuloy, kanyan nakayatan day intiron dalin. Kanen day amin a bengatlan ag dineral na saramay kristal, ya anggan saray nakdaan a kakiewan.

Probirbio 30:27

Saray dorun: anggaman ya anggapoy ari ra, balibaliy panoolup dan amin.

Joel 1:4

Nantotombukan a dinmadapod saray tanaman ed kaalogan iray pigaran grupoy dorun; inooput na arum a grupo iray tanaman a kera-keray sakey a grupo.

Joel 2:25

Ipawil kod sikayo ira may naandid sikayo diad saramay taon ya inaakan na amayamay a dorun iray tanaman yo. Siak so angibakid sikayo ra man ya amayamay a dorun.

Amos 7:2

Anengneng kon inaakan na saray dorun iray amin a dikan tinmutubo ed dalin. Insan inkuanko, “Katawan a Dios, pirdonam pa ray totoom! Panoy kilaban da? Makapoy tan daiset ira!”

Saray Bilang 22:5

angibaki na pigaran totoo ed kinen Balaam a lakin anak nen Beor; si Balaam walad Petor ya asingger ed Ilog na Eufrates diad dalin na Amaw. Saya so impaibaga nen Balak ed sikato; “Labay kon ipaamtad sika a walay sakey a bansan sinmabi a nanlapud Egipto; onkakayat ed amin a pasen iray totoo to tan ngalngali da la sakopay dalin mi.