Exodo 1:20 - Maung A Balita Biblia

^20-21 Lapud sarayan manamianak et walay takot dad Dios, tinumangan ira na Dios tan initdan to ray anak da. Ag tinmonda so indakel na saray Israelita tan nagmaliw iran makapanyarin tuloy.

Maung a Balita Biblia

^20-21 Lapud sarayan manamianak et walay takot dad Dios, tinumangan ira na Dios tan initdan to ray anak da. Ag tinmonda so indakel na saray Israelita tan nagmaliw iran makapanyarin tuloy.

Exodo 1:20 Iomraidhean Croise

Saray Salmo 103:11

No panoy kaatagey na tawen manlapud dalin, ontan met so kabaleg na panangaro tod saray mangigagalang ed sikato.

Saray Salmo 111:5

Iitdan toy kakanen iray mangigagalang ed sikato; nununoten to lawas so impisipanan to.

Saray Salmo 145:19

Iiter toy nakaukolan da ray mangigagalang ed sikato; derengelan toy akis da tan ilalaban to ra.

Saray Salmo 61:5

Nadngel mo ray sipan ko, O Dios, tan inter mod siak so tawir da ray mangigagalang ed sika.

Saray Salmo 85:9

Peteg a sipaparaay Katawan a mangilaban ed saray mangigagalang ed sikato, et mansiansia ed dalin tayo so manangilaban a kiwawala to.

Exodo 1:12

Balet no panoy impanpapairap na saray Egipsio ed saray Israelita, lalon ondarakel ira tan onaawang so pasen a panaayaman da. Apagaan ed satan iray Egipsio ed saray Israelita,

Exodo 1:19

Inmebat ira may manamianak, “Aliwan singa saray bibiin Egipsia iray bibiin Hebrea, ta mainomay iran mananak; ag ni sinmabiy manamianak et akapananak la ra.”

Exodo 1:7

Balet amayamay iray anak tan apo na saman a kailalakan, a salanti saray Israelita; dinmakerakel ira tan nagmaliw iran makapanyarin tuloy, kanyan kinmayat iran nanayam ed intiron bansa na Egipto.

Probirbio 11:18

Saray totoon maoges anggapon tuay nagonggona ran kaabigan, balet no gawaen moy kaptekan andi-saew sikay natumangan.

Probirbio 19:17

No mangiter kad saray mairap-bilay singa papautangen moy Katawan, et say Katawan so mambayar ed sika.

Ecclesiastes 8:12

Anggaman a manggaway sanlasus a krimin so sakey a makasalanan, siansian mambilay. On, amtak so ibabaga ra, “No onuren moy Dios maung ya amin so kasumpalan na bilay mo,

Isaias 3:10

Manliket iray totoon matonung, tan maung so pansumpalan da. Panliketan da so antokaman a nansagputan da.

Mateo 10:42

Tandaan yo ya! Say mangiter na anggan sakey a bason ambetel a danum ed sakey ed saray sankaabebaan a disipulok, lapud sikatoy disipulok, walay awaten ton awaten a tumang to.”

Mateo 25:40

Onebat so Ari ed sikara, ‘Kuankod sikayo: nen ginawa yo yad anggan sakey a sankamelagan ed sarayan agagik, ginawa yod siak!’

Lucas 1:50

ipanengneng toy panangasi to ed amin da ray mangigagalang ed sikato, manlapud sakey a kailalakan ya anggad ontombuk iran kailalakan.

Saray Hebreo 6:10

Ta matonung so Dios tan ag to lingwanan iray ginagawa yo, o say panangaron impanengneng yod sikato diad panamegley na tulong ya inter yo tan iiter yo nid saray kapara yon Cristiano.