Ester 9:27 - Maung A Balita Biblia

²⁷ ginawa ran sakey a totontonen da, saray kabyangay boleg da, tan siopaman a magmaliw a Judio, a diad manepeg a panaon na kapag taon pistaan da ra yan duaran agew onung ed saray bilin nen Mardokeo.

Maung a Balita Biblia

²⁷ ginawa ran sakey a totontonen da, saray kabyangay boleg da, tan siopaman a magmaliw a Judio, a diad manepeg a panaon na kapag taon pistaan da ra yan duaran agew onung ed saray bilin nen Mardokeo.

Ester 9:27 Iomraidhean Croise

Ester 8:17

Inerman a luyag o siudad ya angibasaan ed samay ganggan na ari, nampipista ray Judio, nanliliket, tan nanggagayaga ra. Dakel ed saray arum a totoo so nagmamaliw a Judio, lapud antakot da la ra.

Ester 9:20

Impaisulat nen Mardokeo ira yan agawa tan sinulat ton amin iray Judion walad Impirio na Persia, arawi may asingger so kawalaan da.

Ester 9:21

Imbaga to a gawaen da ran pista opisyal so kumalabinapat tan kumalabinliman agew na bulan na Adar kapag taon.

Ester 9:28

Nakaukolan a balang Judion pamilya na balang kailalakan ed arapen, diad balang luyag tan balang siudad, tandaan tan pistaan da ra yan duaran agew na Purim ya anggad kapigan.

Saray Salmo 78:7

Diad onya manilalo met irad Dios, ag da nalingwanan iray ginagawa to, tan onuren da lawas iray ganggan to.

Isaias 2:3

tan ikuan na saray totoo ra, “Gali dia ta ontatdang itayod palandey na Katawan, diad Timplo na Dios na Israel. Ibangat to itayo na saray labay ton pagawad sikatayo; mankurang itayod saray dalan sa pinili to. Ta manlalapud Jerusalem iray bangat na Katawan; manlapud Sion mansasalitad saray totoo to.”

Isaias 56:3

Say toon taga arum a bansa ya akikasakey ed saray totoo na Katawan et ag to nepeg ya ikuan, “Say Katawan ag to ak pangigalangen a kaibak iray totoo to.” Say toon kapun ag ton balut nepeg a nunoten a lapud ag to makaanak et ag to makapikasakey ed saray totooy Dios.

Isaias 56:6

Say Katawan kuantod saray sangkailin nagmaliw a kabyangan na saray totoo na Katawan, a mangaaro tan manlilingkur irad sikato, ngingilinan day Agew na Panagpainawa, tan matoor dan susumpalen so impisipanan to:

Ezekiel 16:61

Nanunotan mo ray ginagawam, tan ombaing ka no napapawil mod sika so pangulowan tan yogtan ya agim a bibii. Pagmaliwen ko ran singa anak mon bibii, anggaman ya aliwan kabyangan ya na impansipanan ta.

Zacarias 2:11

Diad satan a panaon dakerakel iray bansan onsingger ed Katawan tan magmaliw iran totoo to. Manayam ed kawalaan yo, et nabirbir yo ya imbaki to ak ed sikayo.

Zacarias 8:23

Diad saratan ya agew saray samploran sangkaili onla rad sakey a Judio tan ikuanda, ‘Mikasakey kamid sika, lapud nadngelan min walad sika so Dios.’”

Saray Bilang 15:15

Diad amin a panaon ya onsabi, nampara ray totontonen a para sikayo tan saray sangkailin manaayam ed kawalaan yo. Anggapo so pandomaan yo ed arap na Katawan;

Deuteronomio 5:3

aliwan diad saray atateng tayo labat, no ag ingen pati diad sikatayon amin a mabilay natan.

Josue 9:15

Akipaknaan si Josue na pikakaaro ed saray totoon taga Gabaon tan inabuloyan to ran mambilay. Sinambaan na saray pangulo da ray Israelita a tooren day impipaknaan da.

Saray Huis 11:40

a saray Israelitan bibii et ompaway iran apat agew kapag taon tan ermenan day biin anak nen Jefte a taga Galaad.

1 Samuel 30:25

Ginawa nen David yan totontonen et anggad natan, totombuken ni ya na saray Israelita.