Ester 9:18 - Maung A Balita Biblia

¹⁸ Balet say kumalabinliman agew so ginawan pista na saray Judio ed Susa, ta diad kumalabintalo tan kumalabinapat ya agew so impanpatey da tan diad kumalabinliman agew so intonda ra.

Maung a Balita Biblia

¹⁸ Balet say kumalabinliman agew so ginawan pista na saray Judio ed Susa, ta diad kumalabintalo tan kumalabinapat ya agew so impanpatey da tan diad kumalabinliman agew so intonda ra.

Ester 9:18 Iomraidhean Croise

Ester 8:11

Nipaliwawad sarayan sulat ya inaboluyan na ari iray Judio ed balang siudad a togyupen day sikaran dili pian niagel day bilay da. No ondogpa iray anggan siopan totoo ya akaarmas, diad anggan anton luyag, ed saray Judion lalaki, saray kaasawaan tan saray anak da, nayarian day onlaban, pateyen da ran amin tan alaen iray kayaryan da.

Ester 9:1

Sinmabi may kumalabintalon agew na Adar, samay agew a panumpal ed samay ganggan na ari, say agew ya inilaloan na saray kalaban da ray Judio a panalo rad sikara. Balet saray Judio la laingen so analod sikara.

Ester 9:11

Diad saman lamlamang ya agew nipasabid ari so bilang na saray apatey ed Susa.

Ester 9:13

Inmebat si Ester, “No labay na Kagalang kon Ari, abuloyan mo komun iray Judio a gawaen da lamet nabwas so ginawa ra natan. Ipabitay mo komun ed panagbitayan iray bangkay da ra may anak nen Haman.”

Ester 9:15

Diad kumalabinapat ya agew na Adar nantitipon lamet iray Judio ed Susa tan pinatey da niy talon lasus nin lalaki ed siudad. Balet ag da diniwit so kayamanan na saray pinatey da.

Ester 9:2

Diad ayaman na saray Judio ed balang siudad na nanarian, nankakasakey tan namparaan iran ondogpa ed siopaman a mamasakit ed sikara. Diad inerman a pasen natatakot iray totoo ed sikara, tan anggapoy makalaban ed sikara.

Ester 9:21

Imbaga to a gawaen da ran pista opisyal so kumalabinapat tan kumalabinliman agew na bulan na Adar kapag taon.