Ester 8:8 - Maung A Balita Biblia

⁸ Balet say ganggan a nipaakseb ed ngaran na ari tan amarkaan na panagtimbri to et ag lan balut nabawi. Anggaman ontan, nayarian yoy mansulat ed saray Judio na antokaman a labay yo; nayarian yoy mansulat ed ngaran ko tan markaan yo na panagtimbrik.”

Maung a Balita Biblia

⁸ Balet say ganggan a nipaakseb ed ngaran na ari tan amarkaan na panagtimbri to et ag lan balut nabawi. Anggaman ontan, nayarian yoy mansulat ed saray Judio na antokaman a labay yo; nayarian yoy mansulat ed ngaran ko tan markaan yo na panagtimbrik.

Ester 8:8 Iomraidhean Croise

1 Saray Arari 21:8

Insan nanggawa na saray sulat, impirma toy ngaran nen Acab, intimbri toy timbri nen Acab, insan to impawit ed saray opisyal tan saray manonan totoo ed Jezreel.

Ester 1:19

No labay na Kagalang ya Ari, mangipaakseb kay ganggan ya ag lan balut omparontal ed arap na ari si Vasti. Ipaisulat mod saray ganggan na Persia tan Media, pian ag lan balut naoman. Insan mo iter ed magmaung a bii so inkariyna nen Vasti.

Ester 3:12

Kanyan diad kumalabintalon agew na ononan bulan, tinawag nen Haman iray sikritario to tan indikta tod sikara so sakey a ganggan a nepeg ya ipatalus ed amin a salita tan ikorit ed amin a panagsulat ed intiron impirio tan nepeg ya ipawit ed amin da ray manoley, gobirnador, tan opisyal. Nipaakseb ed ngaran nen Ari Asuero, tan atimbrian na samay singsing to.

Ester 8:10

Impaisulat ira nen Mardokeo diad ngaran nen Ari Asuero, tan minarkaan to ra na panagtimbri na ari. Linmogan ed saray mabatik a kabayo na ari iray angyakar ed saramay sulat.

Ester 8:5

“No labay na Kagalang ya Ari, tan no abagayen mo ak tan isisipen mon matonung a gawaen, pikasik a mangipakseb kay ganggan ya ag la ituloy ira may ganggan nen Haman—saray ganggan a sayan anak nen Hamedata a kabyangay boleg nen Agag et impaakseb to a pamatey ed saray amin a Judio ed intiron impirio.

Daniel 6:8

Kanyan, Kagalang ya Ari, ipaakseb mo komun yan ganggan tan pirmaan mo, et magmaliw a sakey a ganggan na saray taga Media tan Persia, tan ag balut naoman.”

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: “Kabat na Katawan no siopa ray kayaryan to”; tan, “Nepeg ya onarawid kaogsan so siopaman ya ontawag ed Katawan.”