Ester 8:5 - Maung A Balita Biblia

⁵ “No labay na Kagalang ya Ari, tan no abagayen mo ak tan isisipen mon matonung a gawaen, pikasik a mangipakseb kay ganggan ya ag la ituloy ira may ganggan nen Haman—saray ganggan a sayan anak nen Hamedata a kabyangay boleg nen Agag et impaakseb to a pamatey ed saray amin a Judio ed intiron impirio.

Maung a Balita Biblia

⁵ No labay na Kagalang ya Ari, tan no abagayen mo ak tan isisipen mon matonung a gawaen, pikasik a mangipakseb kay ganggan ya ag la ituloy ira may ganggan nen Hamansaray ganggan a sayan anak nen Hamedata a kabyangay boleg nen Agag et impaakseb to a pamatey ed saray amin a Judio ed intiron impirio.

Ester 8:5 Iomraidhean Croise

Ester 2:17

Labalabay na ari si Ester nen saramay arum a bibii; si Ester so akalay sankabalgan ya abig-linawa tan panangaro na ari. Kinoronaan to sirin si Ester tan ginawa ton riyna a kasalat nen Vasti.

Ester 2:4

Insan ka mamilid satan na kalikaliktan mod sikara, tan pagmaliw mon riyna a kasalat nen Vasti.” Apaknaan na ari a maung yan simbawa, kanyan tinombuk to.

Ester 3:1

Ag abayag, inyatagey nen Ari Asuero so kipapasen na sakey a lakin manngaray Haman. Impasen to a kumadwan sankatageyan ya opisyal na impirio. Si Haman et lakin anak nen Hamedata a kabyangay boleg nen Agag.

Ester 5:8

“No iter na Kagalang kon Ari so kerewen ko, labay ko a sika tan si Haman so bisitak lamet nabwas ed ponsia ya iparaan kon para sikayo. Ibagak lad satan no antoy labay ko.”

Ester 7:3

Inmebat si Riyna Ester, “No labay na Kagalang kon Ari ya ipagamur so mugmon kerew ko, say pilalek ko et say pakapaliis ko tan saray totook ed patey.

Exodo 33:13

No talagan makaliliket kad siak, ibagam pad siak so linawam, pian nalingkuran ta ka tan nituloy koy pamaliket kod sika. Ag mo pa met lilingwanan a pinilim yan bansa a kayaryan mo.”

Exodo 33:16

Panoy pakaamta na siopaman a makaliliket kad saray totoom tan diad siak, no ag ka milad sikami? Say kiwawalam ed sikami et mangipanengneng a doma kami ed saray arum a totoo diad tapew na dalin.”

1 Samuel 20:29

Inkuanto, ‘Abuloyan mo pan onla ak, ta say pamilyak et onla rad baley a mangibagat, tan imbilin nen kuyak a nepeg koy onlad man. Kanyan no talagan kaaro mo ak, abuloyan mo ak ya onla, pian nanengneng ko ray kakanayon ko!’ Sikato yay makasengeg no akin et anggapod pasen to diad lamisaan yo.”