Ester 8:17 - Maung A Balita Biblia

¹⁷ Inerman a luyag o siudad ya angibasaan ed samay ganggan na ari, nampipista ray Judio, nanliliket, tan nanggagayaga ra. Dakel ed saray arum a totoo so nagmamaliw a Judio, lapud antakot da la ra.

Maung a Balita Biblia

¹⁷ Inerman a luyag o siudad ya angibasaan ed samay ganggan na ari, nampipista ray Judio, nanliliket, tan nanggagayaga ra. Dakel ed saray arum a totoo so nagmamaliw a Judio, lapud antakot da la ra.

Ester 8:17 Iomraidhean Croise

Genesis 35:5

Nen onsisiput si Jacob tan saray anak ton lalaki, sinmabiy baleg a takot ed saray totood kaliber-liber iran baley, kanyan ag da ra inosilan.

Nehemias 8:10

Sempet ki la ta mampista kayo. Iyapag yod saray kulang so paraan iray kakanen tan alak yo. Masanto yan agew ed Katawan tayo, kanyan ag kayo maneermen. Pabiskegen kayo na liket ya iter ed sikayo na Katawan.”

Ester 9:17

Ginawa da ya nen kumalabintalon agew na Adar. Diad kaimbwas, say kumalabinapat ya agew, tinondaan la na saray Judio so nampatey, tan ginawa ran maliket a pistay panangan iman ya agew.

Ester 9:19

Sikato yay makasengeg a saray Judion manaayam ed saray ankekelag a baley et maliket dan sisilibraan a pista so kumalabinapat ya agew na bulan na Adar, say agew a paniiteran day rigalo na kakanen.

Ester 9:2

Diad ayaman na saray Judio ed balang siudad na nanarian, nankakasakey tan namparaan iran ondogpa ed siopaman a mamasakit ed sikara. Diad inerman a pasen natatakot iray totoo ed sikara, tan anggapoy makalaban ed sikara.

Ester 9:22

Sarayan agew so impamaandi na saray Judio ed saray kalaban da tan sikato yay bulan a nagmaliw a panaon na liket tan gayaga so panaon na ermen tan inkaandiay ilalo. Nibagad sikara a diad sarayan agew mampoponsia, manliliket tan maniiteran ira na saray rigalon kakanen tan itdan da met iray mairap-bilay.

Ester 9:27

ginawa ran sakey a totontonen da, saray kabyangay boleg da, tan siopaman a magmaliw a Judio, a diad manepeg a panaon na kapag taon pistaan da ra yan duaran agew onung ed saray bilin nen Mardokeo.

Ester 9:3

Diad tuay tua, amin da ray opisyal ed balang luyag—saray gobirnador, saray makaoley, tan saray mangilalaman na ari—tinmutulong irad saray Judio lapud antakot ira ed kinen Mardokeo.

Saray Salmo 105:38

Makaliliket iray Egipsio nen tinmaynan iray Israelita, ta antakot da ra.

Saray Salmo 18:43

Inliktar mo ak ed saray totoon mananumpa, tan ginawa mo ak a manoley ed saray bansa; panlilingkuran ak natan na saray totoon ag ko kabat nen saman.

Exodo 15:16

Takot tan kebyew so niwalad sikara. Nanengneng day biskeg mo, O Katawan, et mampotiy bosaleg dan mantanyareg, anggad makadalan iray totoom ya inagwat mod inkaaripen.

Deuteronomio 11:25

Inermay laen yod saman a dalin say Katawan a Dios yo et patakoten tod sikayo ray totoo, onung na insipan to, tan anggapoy makalaban ed sikayo.

Deuteronomio 2:25

Manlapud sayan agew pagmaliwen kon ontakot ed sikayo iray totood inerman a pasen. Diad pakabitla labat ed ngaran yo onggiwgiw lad takot so balang sakey a too.’

Josue 2:11

Kadngel mid saman a balita ataktakot kami; kinmapoy so linawa mi lapud sikayo. Say Katawan a Dios yo, et Dios ed tawen tan diad tapew na dalin.

Josue 2:9

kuantod sikara, “Amtak ya inter ed sikayo na Katawan yan dalin. Natatakot ed sikayo ya amin iray tood sayan bansa.

1 Samuel 25:8

Tepet mo labat ed sikara et ibaga rad sika. Linma kami dia ed agew na pista; maung komuy pangawat mod sikami. Iter mo pa komun so nayarian mon iter ed sikami ya aripen mo, tan diad kinen David a kaarom.”