Ester 8:16 - Maung A Balita Biblia

¹⁶ Saray Judio et akaliket, akalinawa, tan awalaan iray liknaan na impanalo.

Maung a Balita Biblia

¹⁶ Saray Judio et akaliket, akalinawa, tan awalaan iray liknaan na impanalo.

Ester 8:16 Iomraidhean Croise

Ester 4:16

“Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.”

Ester 9:17

Ginawa da ya nen kumalabintalon agew na Adar. Diad kaimbwas, say kumalabinapat ya agew, tinondaan la na saray Judio so nampatey, tan ginawa ran maliket a pistay panangan iman ya agew.

Saray Salmo 112:4

Say silew onwawandag ed bilonget para saray maung a totoo, para saray mapangasi, maabagey, tan matonung.

Saray Salmo 118:27

Say Katawan et Dios; inimisan to tayo. Bembenan yo ray sangasangay kiew, ta igapo yo lay pista tan liber-liber yoy altar.

Saray Salmo 18:28

O Katawan, iitdan mo ak na liwawa; papaliwawaen moy bilonget ko.

Saray Salmo 30:12

Ag ko sirin pepetay sangik; kantaan ta kay panangidayew. Katawan, sikay Dios ko; ando lan andon misalamat ak ed sika.

Saray Salmo 97:11

Onsisinag so silew ed saray totoon matonung, ta onsisinag so gayaga ed saray maung a totoo.

Probirbio 11:10

Maliket so siudad no saray totoon matonung et maaligwas ira, tan no ompatey iray totoon maoges wala ray eyag na liket.

Probirbio 28:12

No say toon matonung so nakawesay pakayari manliket iray katoowan, balet no say toon maoges so manoley, kiamut-amut iray totoo.

Isaias 35:10

Magayaga ran makasabid Jerusalem, mangankanta tan maneyag-eyag irad liket da. Manliket iran ando lan ando, naandi lan anggad angga so ermen tan dageyem.