Ester 6:3 - Maung A Balita Biblia

³ Tinepet na ari, “Panoy impangiter tayod kinen Mardokeo na galang tan tumang lapud saman a ginawa to?” Inmebat iray aripen to, “Anggapoy niiter ed sikato.”

Maung a Balita Biblia

³ Tinepet na ari, Panoy impangiter tayod kinen Mardokeo na galang tan tumang lapud saman a ginawa to? Inmebat iray aripen to, Anggapoy niiter ed sikato.

Ester 6:3 Iomraidhean Croise

Genesis 40:23

balet ag lan balut anunotan na samay inkargadoy alak si Jose—alingwanan to lan amimpinsan.

1 Saray Awaran 11:6

Inkuanen David, “Magmaliw a pangulo na saray sondalo so siopaman a makaonan makapatey na Jebuseo.” Impangulo nen Joab a lakin anak nen Sarvia so indogpa ra tan nagmaliw a pangulo na saray sondalo.

Ester 6:2

Nibasa imay nipaakar ed impangipaamta nen Mardokeo ed komplut a pamatey ed ari, say komplut ya implano di Bigtan tan Teres, saray duaran yunuko ed palasio a nangguardiad saray kuarto na ari.

Ester 6:4

“Wala diad palasio so siopaman ya opisyal ko?” tepet na ari. Diad saman a bekta kalooloob nen Haman ed patio na palasio. Sinmabi ta kerewen tod ari ya ibitay si Mardokeo ed panagbitayan ya imparaan to.

Ecclesiastes 9:15

Walad man ed baley so sakey a toon mairap-bilay a makabat tan nayarian to komun ya iyagel imay baley. Balet anggapoy akanunot ed sikato.

Daniel 5:16

Nadngelan ko a nayarian mon ipatalus so niamut iran kabaliksan tan nipaliwawam iray mistirio. No nabasam yan nisulat tan nibagam ed siak so kabaliksan to, kawesan ka na ambalangan kawes na ari, solungan ka na balituk a kolintas, tan magmaliw kan mikatlo ed sankatageyan a manoley diad nanarian.”

Daniel 5:29

Tampol ya ingganggan nen Belsasar iray aripen to a kawesan day Daniel na ambalangan kawes na ari tan isolung dad beklew toy balituk a kolintas. Impagmaliw ton mikatlod sankatageyan a manoley ed nanarian.

Daniel 5:7

Inmeyag ya angibaki na mangawit ed saray salamangkiro, saray managparles, tan saray astrologo. Kaloob da inkuan na ari ed sikara, “Siopamay makabasa na sayan sulat tan nibaga to no antoy kabaliksan to et kawesan na ambalangan kawes na ari, solungan na balituk a kolintas, tan magmaliw a mikatlod sankatageyan a manoley na nanarian.”