Ester 6:12 - Maung A Balita Biblia

¹² Pinmawil si Mardokeo ed lolooban na palasio; balet si Haman magangganat a sinmempet a sinakuban toy lupa to, lapud kababaingan to.

Maung a Balita Biblia

¹² Pinmawil si Mardokeo ed lolooban na palasio; balet si Haman magangganat a sinmempet a sinakuban toy lupa to, lapud kababaingan to.

Ester 6:12 Iomraidhean Croise

2 Samuel 15:30

Tinmatdang si David ed Palandey na Kaolibaan; manakakis, akasali-sali tan sinakbungan toy olo to a pangipanengneng toy ermen to. Sinakbungan met na amin a totoo to so olo ra tan manakakis met ira.

2 Samuel 17:23

Nen anengneng nen Ahitofel ya ag atombuk so simbawa to, kinabayoan toy asno to, insan pinmawil ed dilin baley to. Kayari ton inapiger so kipapasey kayaryan to, imbitay toy laman to. Nipompon ed lobuk na pamilya to.

1 Saray Arari 20:43

Agunigon tan maerermen a sinmempet imay ari ed abung tod Samaria.

1 Saray Arari 21:4

Agunigon tan akapasnuk a sinmempet ed abung si Acab lapud samay imbaga nen Nabot ed sikato. Dinmokul ed katri to, inarap toy padir, tan ag mangan.

1 Saray Arari 21:6

Inmebat si Acab, “Lapud samay imbaga nen Nabot ed siak. Imbagak ed sikaton saliwen ko may kaubasan to o no labay to, salatan koy sananey a kaubasan, balet imbaga ton ag ko naala!”

2 Saray Awaran 26:20

Ataktakot si Azarias tan saramay arum a papari diad impakanengneng dad muling na ari. Insan da pinasoot a taynan to so Timplo. Nangganat a pinmaway, lapud dinusa na Katawan.

Ester 2:19

Legan to ya, say ari impagmaliw ton sakey a manoley si Mardokeo.

Ester 6:11

Inala sirin nen Haman imay kawes tan samay kabayo. Insolung tod kinen Mardokeo imay kawes. Kinmabayo si Mardokeo, tan tinengteng nen Haman imay kabayo. Inliber to ed plasa na siudad, tan imbabando to legan dan onliliber, “Nengneng yo so tumang na toon labay a pagalangan na ari!”

Ester 7:8

Nen pinmawil ed kuarto so arin nanlapud tanamanan, katiktikleb nen Haman ed yurongan a kawalaan na riyna. Diad impakanengneng na ari ed saya, inmeyag, “Sayan laki et pasooten to met so riyna ed arap ko, diad dilin loob na palasio?” Ag ni asumpal so arin mansasalita, nen kinobutan la na saray yunuko so olo nen Haman.

Say Libro nen Job 20:5

anggapoy maoges a toon nambayag so impanliket to.

Say Libro nen Job 9:24

Inter na Dios so mundo ed saray maoges a totoo, Binulag to ray amin a huis. No ag ya ginawa na Dios, siopa sirin so nanggawa?

1 Samuel 3:15

Nandokul ni ya anggad kabwasan si Samuel; insan binmangon tan nilukasan to ray puirta na abung na Katawan. Antakot ton ibaga ed kinen Eli so nipaakar ed payawar.