Ester 6:1 - Maung A Balita Biblia

¹ Diad saman a labi ag makaogip so ari, kanyan impaala toy libro na saray awaran tan impabasa to pian narengel to.

Maung a Balita Biblia

¹ Diad saman a labi ag makaogip so ari, kanyan impaala toy libro na saray awaran tan impabasa to pian narengel to.

Ester 6:1 Iomraidhean Croise

Genesis 22:14

Inngaran nen Abraham iman a pasen na “Say Katawan so Mangiter.” Tan anggad natan, ibabalikas na totoo, “Mangiter so Katawan diad palandey to.”

Ester 10:2

Nikorit ed saray panagsulatan da ray arari ed Persia tan Media iray amin a matalonggaring tan makapakelaw a ginagawa to tan say impangipasen tod kinen Mardokeo ed atagey a betang.

Ester 2:21

Legan na pangoopisina nen Mardokeo ed palasio, di Bigtan tan Teres a guardia rad lolooban na saray kuarto na ari et binosul day ari tan nankomplutan dan pateyen.

Ester 2:22

Naamtaan nen Mardokeo yan plano ra, kanyan imbaga tod kinen Riyna Ester et imbaga ya nen Ester ed ari.

Ester 2:23

Nen asalaysay yan balita, arumog a tua, kanyan binitay da ra may duara. Ingganggan na ari a nikorit yan inkagawa ed panagsulatan na palasio.

Ester 5:8

“No iter na Kagalang kon Ari so kerewen ko, labay ko a sika tan si Haman so bisitak lamet nabwas ed ponsia ya iparaan kon para sikayo. Ibagak lad satan no antoy labay ko.”

Isaias 41:17

“No diad pankaukolan na saray totook et mananap ira na danum, no amaga lay kolokolung da lapud inkapgaan, siak ed satan a Katawan et ebatan koy pikakasi ra; siak, a Dios na Israel et ag ko ran balut ikaindan.

Daniel 2:1

Nankogip si Ari Nabucodonosor nen kumadwan taon na panooley to. Mapalaloy inkagunigon to lapud saya, kanyan ag makaogip.

Daniel 6:18

Insan pinmawil so ari ed palasio tan sanlabin ag akaogip, ag balut angan odino nanliket ed antokaman.

Malakias 3:16

Insan nantotongtong iray totoon walay takot dad Katawan. Dinmengel so Katawan ed sikara, et nadngel toy imbabaga ra. Diad arap to nisulat so sakey a libro a nipaakar ed saray tinmakot ed Katawan tan angigagalang ed sikato.

Saray Taga Roma 11:33

Agaylay karakel so kayamanay Dios! Ag natokur so kakabatan tan pakatalus to! Ag natalusan iray panagsintinsia tan kagagawa to!