Ester 5:14 - Maung A Balita Biblia

¹⁴ Kanyan si asawa to tan saramay kakaaro to inkuandad sikato, “Mampagawa kay panagbitayan a duamplo tan talon mitro so kaatagey to. Nabwas na kabwasan kerew mod ari ya ibitay si Mardokeo ed panagbitayan ya impagawam. Diad ontan maliket kan onlad ponsia ya imparaan na riyna.” Apaknaan nen Haman yan kanunotan, kanyan nampagawa na panagbitayan.

Maung a Balita Biblia

¹⁴ Kanyan si asawa to tan saramay kakaaro to inkuandad sikato, Mampagawa kay panagbitayan a duamplo tan talon mitro so kaatagey to. Nabwas na kabwasan kerew mod ari ya ibitay si Mardokeo ed panagbitayan ya impagawam. Diad ontan maliket kan onlad ponsia ya imparaan na riyna. Apaknaan nen Haman yan kanunotan, kanyan nampagawa na panagbitayan.

Ester 5:14 Iomraidhean Croise

2 Samuel 16:21

Inmebat si Ahitofel, “Laka, ta akdulan mo ray bibiin inamung nen amam ya intilak to ran manasikasod palasio. Diad ontan, nakabatan na intiron Israel a bobosulen ka nen amam, tan napabiskeg so linawa da ray totoom.”

1 Saray Arari 21:25

Anggapoy manoley a singa si Acab a sigput so impanggawa toy kaogsan ed arap na Katawan—si asawa ton Jezebel so nantatanggoyur ed sikato.

1 Saray Arari 21:7

“Aliwa tan ari ka na Israel?” ebat nen Jezebel. “Bangon kad tad katri, manliket ka tan mangan ka. Iter kod sikay kaubasan nen Nabot!”

Ester 6:4

“Wala diad palasio so siopaman ya opisyal ko?” tepet na ari. Diad saman a bekta kalooloob nen Haman ed patio na palasio. Sinmabi ta kerewen tod ari ya ibitay si Mardokeo ed panagbitayan ya imparaan to.

Saray Salmo 37:14

Saray totoon maoges ooyusen da ray ispada ra tan pipinaten da ray pana ra, ta pateyen da iray mairap-bilay tan saray walad pankaukolan, ta ekalan day bilay iray manggagaway kaptekan;

Saray Salmo 37:32

Babantayan na toon maoges so maung a too tan sisiliban ton pateyen;

Saray Salmo 9:15

Saray ag manisiad Dios napepelag irad abut a kinotkotan da; naeerel irad patit ya inlira da.

Probirbio 1:18

Balet saray ontan a totoo et papatitan day sikaran dili; diad dilin patit day pateyan da.

Probirbio 4:16

Ag makaogip iray totoon maoges no ag ni ra akapanggaway kaogsan. Ag ira makalirep no anggapo niy apasakitan dan too.

Saray Taga Roma 1:32

Amta ra, ya onung ed ganggay Dios, kanepegan ya ompatey iray manggawa na saray onya, balet siansian gagawaen da. Aliwan saya labat, aabubunan da ni ingen iray manggagawa ed saraya.

Saray Taga Roma 3:15

Mainomay day mangekal na bilay;

Puyan 11:10

Manliket ed satan ya amin iray katoowan ed mundo lapud impatey da ra yan dua. Mansilibra ra tan maniiteran iray rigalo, ta sarayan duan propita et ontan lay kairapan ya inter dad katoowan ed tapew na dalin.