Ester 4:16 - Maung A Balita Biblia

¹⁶ “Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.”

Maung a Balita Biblia

¹⁶ Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.

Ester 4:16 Iomraidhean Croise

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

Genesis 43:14

Iyabuloy komun na Dios a Makapanyarin-amin a kasian to kayo tay too, pian ipawil tod sikayo si Benjamin tan samay sakey ya agi yo. Para say siak, no nepeg a naandid siak iray anak ko, sipaparaan ak.”

2 Samuel 10:12

Mampabiskeg kayoy linawa! Pasiaen tayoy mibakal para saray totoo tayo tan para saray siudad na Dios tayo. Say linawa na Katawan komun so nagawa!”

2 Saray Arari 7:4

No onloob tayod siudad, ompatey tayod eras labat, ta anggapod may naakan. Balet no manayam tayo dia, ompatey tayo met ni lamlamang. Kanyan onla tayod kampo da ray Siriano; no ag da itayo diwiten mambilay tayo, balet no pateyen da tayo andi bali ta ompatey tayo met ni lamlamang.”

2 Saray Awaran 20:3

Ataktakot si Josafat kanyan kinerew ton iwanwan na Katawan. Insan to ingganggan a nagaway ayuno ed intiron bansa.

Esdras 8:21

Diad abay na Ilog na Ahava ingganggan kon manayuno kamin amin tan mampaabeba kamin amin ed arap na Dios mi. Ingganggan ko met a kerewen min iwanwan to kami ed pambiahi mi tan iyagel to kamid kaatapan, sikami, saray anak mi tan amin a kayaryan mi.

Ester 4:15

Saya so inyebat nen Ester ed kinen Mardokeo:

Ester 4:17

Tinmaynan la sirin si Mardokeo, tan ginawa toy amin ya imbaga nen Ester ed sikato.

Ester 4:3

Walay panogaog tan ermen ed saray Judio diad amin a luyag a pangibawagan na samay ganggan na ari. Nanayuno ra, nanakis ira, nanogaog ira, tan karaklan ed sikara so nankakawes na sako tan dinmodokul ed dapul.

Ester 5:1

Diad kumatlon agew na panaayuno nen Ester, insolung toy kawes ton riyna, tan linman nanalagey ed dalem a patio na palasio diad arap na kuarton kawalaay trono. Wadman so ari ya akayorung ed trono tan akaarap ed lolooban.

Ester 9:31

tan ingganggan to ra tan saray kabyangay boleg da a silibraan da ray agew na Purim diad manepeg a panaon, a singa panusumpal da ed saray totontonen a nipaakar ed panagayuno tan saray agew na panagermen. Ingganggan ya di Mardokeo tan Riyna Ester.

Isaias 22:12

Diad saman, say Katawan a Dios a Makapanyarin-amin et tinatangguyor to kayon manakis tan manermen, mangiskis na kaoloan yo tan mankawes na sako.

Jeremias 36:9

Nen kumasiam a bulan na kumaliman taon na panaarid Juda nen Joakim, nanayuno iray totoo pian naala ray maung a linaway Katawan. Akibiang ed sayan ayuno iray amin a manaayam ed Jerusalem tan amin da ray linmad man a nanlapud saray baley na Juda.

Daniel 2:18

Imbaga tod sikaran onkerew ira na panangasi na Dios na tawen tan ipikasi rad sikato ya ipaliwawa tod sikara so mistirio, pian ag ira napipatey ed saray arum a sumisimbawa a walad Babilonia.

Mateo 12:40

No panoy impanayam nen Jonas a taloy agew tan labi ed dalem na eges na balbaleg a sira, ontan met so panayam na Anak na Too a taloy agew tan labi diad dalem na dalin.

Lucas 9:24

Ta naandiay bilay so toon mangilaban na bilay to; balet nilaban so toon mangiter na bilay to a nisesengeg ed siak.

Juan 19:22

Inmebat si Pilato, “Say insulat ko, insulat ko.”

Saray Gawgawa 10:7

Kasiput to may anghil, tinawag nen Cornelio so duaran igaganggan to tan sakey a sondalon matoor ed Dios, sakey ed saray managlingkur ed sikato.

Saray Gawgawa 20:24

Balet ipapasen kon anggapoy kuinta so bilay ko, dapot nasumpal koy kimey ko tan say inter na Katawan a Jesus a gawaen ko, salanti, say pampulong koy Maung a Balitan nipaakar ed baleg a panangaroy Dios.

Saray Gawgawa 21:13

Balet inmebat, “Akin et onaakis kayo? Ag yo kari papakapoyey liknaan ko! Aliwa ak labat a sipaparaan a pabalur ed Jerusalem no ag pati papatey lapud ngaran nen Jesus a Katawan.”

Saray Gawgawa 27:33

Nen mamapalbangon la, kinerew nen Pablo ed sikaran amin a mangan ira. Inkuanto, “Labinapat lan agew lay panaalagar yo, tan anggapo niy kinan yon balut.

Saray Gawgawa 9:9

Taloy agew ya ag makanengneng tan leleg na sarayan agew, ag angan odino inminom.

Saray Taga Roma 16:4

Imposta ray bilay da nisengeg ed siak, kanyan pisalsalamatan ko ra; aliwan siak labat so misasalamat ed sikara, no ag ingen pati amin ya iglisia da ray Hintil.

FILIPOS 2:30

ta imposta toy bilay to tan inatey lawari makasengeg ed kimey lapud Cristo nen tinulongan to ak ed pasen yo, lapud sikayon dili et ag yo ak natulongan.

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”

1 Samuel 19:5

Imposta toy bilay to nen pinatey toy Goliat, et baleg so pananalon inter na Katawan ed Israel. Nanliket kayo nen anengneng yo yan pananalo. Akin, sirin, et labay yoy manggaway kaogsan ed toon anggapoy kasalanan diad pamatey yod kinen David ya anggapon balut so makasengeg?”