Ester 4:11 - Maung A Balita Biblia

¹¹ “No walay siopaman, laki may bii, ya onlad patio ed dalem tan miarapan ed ari anggaman ya ag tinawag, nepeg a pateyen itan a too. Sikato yay ganggan; kabat ya na balang sakey, manlapud saray sumisimbawa na ari ya anggad saray totoo na luyag. Anggapoy makapaliis ed sayan ganggan, likud no say ari et itoro tod siopaman so balituk a sitro to; ag napatey ed satan. Balet sakey bulan lan ag ak ni tinawag na ari.”

Maung a Balita Biblia

¹¹ No walay siopaman, laki may bii, ya onlad patio ed dalem tan miarapan ed ari anggaman ya ag tinawag, nepeg a pateyen itan a too. Sikato yay ganggan; kabat ya na balang sakey, manlapud saray sumisimbawa na ari ya anggad saray totoo na luyag. Anggapoy makapaliis ed sayan ganggan, likud no say ari et itoro tod siopaman so balituk a sitro to; ag napatey ed satan. Balet sakey bulan lan ag ak ni tinawag na ari.

Ester 4:11 Iomraidhean Croise

Ester 1:19

No labay na Kagalang ya Ari, mangipaakseb kay ganggan ya ag lan balut omparontal ed arap na ari si Vasti. Ipaisulat mod saray ganggan na Persia tan Media, pian ag lan balut naoman. Insan mo iter ed magmaung a bii so inkariyna nen Vasti.

Ester 2:14

Onlad kawalaay ari no labi, tan diad kaimbwasan niakar ed sananey a panagayaman na saray bibii, tan nipaasikaso ed kinen Sasgar, say yunukon makaoley ed saray bibiin iyaamung na ari. Ag to onla lamet ed ari likud no labalabay na ari tan kerewen to diad pamitla toy ngaran na saman a bii.

Ester 4:10

tan saya so imbilin nen Ester ed sikato ya ipawil tod kinen Mardokeo,

Ester 4:12

Nen nadngel nen Mardokeo imay impaibaga nen Ester,

Ester 6:4

“Wala diad palasio so siopaman ya opisyal ko?” tepet na ari. Diad saman a bekta kalooloob nen Haman ed patio na palasio. Sinmabi ta kerewen tod ari ya ibitay si Mardokeo ed panagbitayan ya imparaan to.

Ester 8:4

Intoro na ari imay balituk a sitro to ed kinen Ester, kanyan inmalagey tan kuanto,

Daniel 2:9

a nampaparay iter kod sikayon dusa no ag yo nibagad siak so kogip ko. Nampapakna kayo ya ituloy yoy pantitila yod siak, lapud iilaloan yo a diad panakar na panaon naoman iray bengatlan nagawa. Ibaga yod siak so kogip ko, et naamtaan kod satan a nayarian yo met ya ibagad siak so kabaliksan to.”

1 Pedro 3:7

Sikayo ra met a lalaki, talusan tan pagalangan yoy kaasawaan yo diad piaamung yod sikara, ta makapoy ira tan kapara yo ran manawir na bilay a rigaloy Dios. Diad panggawa yod saya, ag nasebelay pikakasi yo.