Ester 3:7 - Maung A Balita Biblia

⁷ Diad kumalabinduan taon na panooley nen Ari Asuero, diad ononan bulan, say bulan na Nisan, ingganggan nen Haman a gawaen so pampapalaranan a tatawagen na “purim,” ta amtaen to no dinay manepeg ya agew tan bulan a panggawad samay getma to. Apili so kumalabintalon agew na kumalabinduan bulan, say bulan na Adar.

Maung a Balita Biblia

⁷ Diad kumalabinduan taon na panooley nen Ari Asuero, diad ononan bulan, say bulan na Nisan, ingganggan nen Haman a gawaen so pampapalaranan a tatawagen na purim, ta amtaen to no dinay manepeg ya agew tan bulan a panggawad samay getma to. Apili so kumalabintalon agew na kumalabinduan bulan, say bulan na Adar.

Ester 3:7 Iomraidhean Croise

Esdras 4:6

Insan diad kagapo na impanoley nen Impirador Asuero, insegep na saray kalaban da ray totoon manaayam ed Juda tan Jerusalem iray nisulat a dalem sumpad sikara.

Esdras 6:15

Asumpal dan impaalagey so Timplo nen kumanem a taon na panooley nen Impirador Dario sanen kumatlon agew na bulan ya Adar.

Nehemias 2:1

Aminsan ya agew nen bulan na Nisan diad kumaduamploy taon na panooley nen Impirador Artajerjes, inyakaran koy alak nen akarongo. Ag to ak nin balut anengneng a maermen nen saman,

Ester 1:3

Diad kumatlon taon na panooley to imparaanan toy baleg a ponsia iray amin ya opisyal to tan saray katulong tod panooley to. Dinmagop iray sondalo na Persia tan saray sondalo na Media. Dinmagop met iray gobirnador tan saray manonan totoo ed saray luyag.

Ester 2:16

Kanyan diad kumapiton taon na panooley nen Ari Asuero, diad kumaplon bulan a tatawagey Tebet, niakar si Ester ed palasio na ari.

Ester 9:1

Sinmabi may kumalabintalon agew na Adar, samay agew a panumpal ed samay ganggan na ari, say agew ya inilaloan na saray kalaban da ray Judio a panalo rad sikara. Balet saray Judio la laingen so analod sikara.

Ester 9:21

Imbaga to a gawaen da ran pista opisyal so kumalabinapat tan kumalabinliman agew na bulan na Adar kapag taon.

Ester 9:5

Kanyan nayarian na saray Judio a gawaen ed saray kalaban da so labay da. Dinmogpa ran sankaawit da ray ispada tan pinapatey da ra.

Probirbio 16:33

Saray totoo pampapalaranan dan amtaen so linaway Dios, balet say Dios a dili so mangiiter na ebat.

Mateo 27:35

Impasak dad krus tan, kayari ran nampapalaranan iray kawes to, inapag da.