Ester 3:15 - Maung A Balita Biblia

¹⁵ Lapud ganggan na ari nipaamtad saray totood Susa, say manonan siudad imay ganggan. Saray ibabaki impasabi rad saray luyag so balita. Naninoman so ari tan si Haman, legan a nagegewgew so intiron siudad na Susa.

Maung a Balita Biblia

¹⁵ Lapud ganggan na ari nipaamtad saray totood Susa, say manonan siudad imay ganggan. Saray ibabaki impasabi rad saray luyag so balita. Naninoman so ari tan si Haman, legan a nagegewgew so intiron siudad na Susa.

Ester 3:15 Iomraidhean Croise

Genesis 37:25

Nen mangakan ira, anengneng day olup na saray Ismaelita a nanlapud Galaad tan mamapaarap irad Egipto. Napnoy beneg na kamilyo ra na pasas tan rikado.

1 Saray Arari 14:27

Nanggaway Ari Roboam na pigaran gansan samper ya isalat tod saramay balituk a samper, insan to ra impalima ed saray opisyal a makaoley ed saray guardia na saray puirta na palasio.

Ester 1:10

Diad kumapiton agew na samay ponsia, maniinom tan maliket so ari, kanyan pinaloob to ray pitoran yunuko ya aripen to ran dili a di Mehuman, Bizta, Harbona, Begta, Abagta, Zetar, tan Carcas.

Ester 4:16

“Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.”

Ester 8:15

Pinmaway ed palasio si Mardokeo ya akasolung na asul tan ampotin kawes na ari, akakolibemben na ambalbalangan pinon linen, tan akaiyan ed olo so baleg a koronan balituk. Insan diad saray dalan na Susa binmetag so eyag na liket tan gayaga.

Saray Salmo 37:7

Mandeen kad arap to, tan mananos kan manalagar ed sikato; ag ka nagugunigon lapud saray totoon onaaligwas, odino lapud saray totoon maung so pansusumpalay maoges iran getma ra.

Probirbio 1:16

Magangganat iran manggaway kaogsan. Mammainomay day mamatey.

Probirbio 29:2

Ipanengneng mod siak so matonung a manoley, et ipanengneng kod sika iray totoon maliket. Ipanengneng mod siak so maoges a manoley, et ipanengneng kod sika iray totoon pangaskasiyay kipapasen da.

Probirbio 31:4

Dengel ka, Lemuel. Ag nepeg ya oninom na alak iray arari, odino pampilalekan dan inomen iray mabayanin iinomen.

Probirbio 4:16

Ag makaogip iray totoon maoges no ag ni ra akapanggaway kaogsan. Ag ira makalirep no anggapo niy apasakitan dan too.

Oseas 7:5

Diad agew na ponsia na ari binuek day ari tan saray opisyal to tan impagmaliw da ran makulang-kulang.

Amos 6:6

Saray bason ankabaleg so paniinoman yod saray alak tan sankabalingitan a pabalingit iray ipopoyuk yo, balet ag yo eermenan so kaderal na Israel.

Juan 16:20

Ibabagak ed sikayoy katwaan: mannangis tan manermen kayo, balet manliket so sankamundoan. Manermen kayo, balet magmaliw a liket so ermen yo.

Puyan 11:10

Manliket ed satan ya amin iray katoowan ed mundo lapud impatey da ra yan dua. Mansilibra ra tan maniiteran iray rigalo, ta sarayan duan propita et ontan lay kairapan ya inter dad katoowan ed tapew na dalin.